7/1/2005
今日聽到鬧鐘響~但都係遲到
因為太凍,訓左係被鬥度唔想起身
去到九龍塘火車站買個早餐,點知原來無車入去
要坐火車...我份早餐=_=
係火車企左一排,唔知去到邊個火車站就有位
唔理三七二十一~~坐左落去食早餐先~~
開頭都唔想係火車食嫁
但見咁多人都食,而且又唔忍心隻糯米雞由熱變凍~
所以都係食左先
係太和坐小巴入林村,好在甲由sir係度
唔係過哂站都唔知...林sir都唔知係度做緊乜
一入到去就見到區sir,即係我team個ic~~
hea左一輪先話比賽開始,而我地組又係第二輪先開始=_=
係入面無聊左一大段時間先係玩lor
見到perm既師兄wor~~原來佢係入面做的
第一樣就係玩團隊繩網,之前玩過,無咩難度~~
係凍左d,d手指唔係太聽話>_<
最慘就係傻強差兩步先到地下.....咁就完成唔到,豪左二百分俾佢
得分八百分~~已經好過之前果隊無分:p
玩完就等第二樣比賽開始,又hea左一段時間...
之後係高空繩網~~係地下睇又真係輕鬆
上到去又真係驚...不過都心口一個勇字就衝左過去
最衰我地唔知可以上完哂咁多人玩左兩次之後可以再上
如果唔係之前我地玩得快d,最尾又唔駛咁多時間考慮~~
我諗我地唔只1720呢個分~~
玩完呢個又係到等發霉時間....=_=
之後係assault course,終於知道obsticle同assault既分別
就係army同唔係army既分別.....
開頭大家都以為個假人係重到不得之了
點知消防佬一野拎起佢就好不滿咁丟番佢落地
因為實在係輕到無人信=_=
一開始我地就好合作咁輪流戴哂頭盔~~都check左好一陣子
之後我地就本著死的精神~~一路衝衝衝
矮牆無問題~~係曦明心急左少少俾人叫番轉頭
跟住既斜路,簡直就係easy job呀~~彭彭聲就ko左
到左車軑...有少少阻滯
因為估唔到d車軑都真係move得咁勁
但最後我地唔理三七二十一既精神,係咁抽腰帶咁就完成
到左水渠,無問題呀~~俾起ac果個仲闊好多,係入面跑都仲可以
佢地誇張都話可以跳舞lor~~haha
之後泰山繩,曦明差d出洋相~~haha不過佢係第一個就算佢啦
到左我果陣....佢地無咩力咁拋條繩過黎,差d就接唔番
好在係有驚無險^^
到左爬地~原來可以橫排三個人一齊過~~
我地實行一窩蜂政策,六條友一齊係入面爬
大會d工作人員都無咁多人手睇我地有無整到d繩^^
不過都有幾個俾人叫番轉頭,曦明最後係實行大長碌
又俾佢碌到wor~~
到左a字架~~試用曦明個新方法
果然係快靚正,感覺好爽~~wakakaka
到左馬騮架....估唔到自己第四條就跌左落黎-_-
因為隻左手之前整親.....一整到個傷口就一野跣左落黎=_=
不過我地係以極速5’50完成成個賽事~~feel so good~~
玩完呢個task就變左泥鴨=_=因為爬地果度佢地專登搵水淋濕個地lor
泰山繩雖然我地無人落左水,但係八度既情況下佢都夠膽放水,真係不得不俾個叻佢
完左assault course就去食飯lu~~d飯都唔熟既=_=
食完飯hea左成半個鐘先再開始task....
黎緊係紮營,不過係a字營....麻煩到嘔
好在我地都係指定時間ko左佢,係差左一枝營釘釘唔入
因為佢塊地實在係太硬喇,呢次絕對唔係賴地硬呀>_<
咁樣我地係呢個task就係一枝營釘,俾佢扣左五分
唔係就滿分-_-
跟住由於要hea成四十五分鐘,所以我地一組去左嘆茶~~~
嘆完茶返到去仲大把時間我地hea...真係hea爆
last一個task~~~係野外煮食
好在有大廚曦明在場~~一早就教哂我地點做點做~~
做邊樣先邊樣後~~~而且分工亦都好好
仲有人多左出黎tim-_-
所以我地都叫係廿分鐘完成左四樣野~~包括太陽蛋,洋蔥雞翼,白飯,節瓜廋肉咸蛋湯
d太陽蛋煎得好好~因為曦明負責~~在場用具係無鑊剷,但竟然俾佢諗到用菜刀~勁
d洋蔥雞翼可以話係我負責既~~d雞翼煮到岩岩熟哂~~d洋蔥又夠淋~~
食落d雞翼到呢~~又有少少洋蔥味wor~~簡直一流呀
跟住d飯就係生左少少,不過都叫完成~~
d湯既味就一流,係差左d節瓜唔夠淋
評判一路睇我地d野食,我同曦明就一路係就讚自己d餸煮得點好點好~~haha
最後我地係得153分,俾佢扣左47分....
好在我地都拎到冠軍~~hahaha
仲有delta既黑tee做紀念品~~^^
經過左今日,我真係不得不佩服曦明
佢可以話係不經不覺之下做左我地team既組長~~
因為佢真係好多諗頭~又識好多野~~不單只體能方面
就連煮飯佢都識~~真係好好野~~~佩服
玩完等佢頒完獎就閃走左~有人車到沙田~
返到hall好俾心機咁做hon pro,唔知係咪玩完一日
成個人好似load得快左~~好快咁搞掂ch1
做到唔知時間-_-七點幾先去練波,去到大家坐哂係度....
熱左身一陣~~就射波...練fake右走左
再練form~~有曹1,文1同2~~hahah好搞笑~~
練完就去左旺角,去左bossini~~佢地話要買底底wor
因為yuki有七折~~大家都買左好多野呢~~
之後八條友行左落廟街食煲仔飯,中途仲食左個香蕉糕~~好味~~
成十二點先去到食飯....差d餓死>_<
差d就有免費dinner食嫁喇......可惜呀...
食完就行落旺角坐車返hall~~上多陣網先訓:p
文章定位：
