4/1/2005
本來諗住今日可以做到hon pro既ch.1,2
點知走左去做ayp既log book=_=
仲要未做哂...死得喇個hon pro
星期五就要死份questionnaire出黎
唔係就一定收唔入data....好唔想做呀...
突然間好唔想讀呢個degree....但無理由宜家先黎放棄嫁....
終於都洗左d衫lu~~~第一次用果部甚麼鬼脫水機
係乾左d~~不過都仲係要曬衫...下次可以連呢一蚊都可以慳番~~
三點幾去左食tea,仲睇埋足球小將tim~~
原來宜家做緊世青....
睇完返房繼續hea
六點半出去練波,傻仔左咁走左去jsc
原來今日係city練....去到city
打左幾個電話先入到去個sport complex
唉....人地city成個campus同我地bu差不多...
但點解人地個sports complex可以好過我地個偉衡咁多?
真係枉你仲同人講你係第一間university有sports讀tim呀.....
今日練波好堅~~一黎就係wing俾波副射波
之後慢慢加上去,直至五個位都有人打
即係慢慢由兩個加到五個人咁做個浪出黎
之後女仔就做由wing上center轉身射波
左轉右轉,轉到頭暈@.@
唔可以用哂一隻腳??即係點呀??唔多明
做左陣浪...有一野超樣衰咁向後訓左落地
完全唔知點解會咁....笑死左大家tim仲
休息左一陣就黎料喇,三大步一側滾
haha,好在之前gym2教左點側滾~~好開心,原來唔同既sports真係可以貫通的~~
不過果三大步先係重點,搞到大脾內側好死痛.....
之後仲要推車同揹人.....體能訓練
最尾係running shot...咁就完左今日既training
好似好少野咁,但走動多...加上太耐無運動過,都幾辛苦
今日training,黃sir係咁話我d動作散...其實我好想講
我d基本功真係麻麻....因為以前中學果時...根本係無人教過我點打手球...
以前開始打手球係打龍門...阿sir唔教我點打出面無問題
之後打出面,因為我夠力,而且死纏爛打...所以可以係學界生存
而miss根本都無咩教過我野....
到左大學....yr1...無打隊....
yr2無教練....yr3都係教左少少
唔好講係嵐灣....只係學左d戰術...個人基本功少許....=_=
係果時跟過下港隊既時候叫做好d,不過因為時間太短....
根本d動作都仲未能夠自動化
就好似motor learning所講..都仲未到autonomus stage...宜家仲係motor stage
所以如果無人叫我刻意練基本功....我根本就無基本功可言
今日黃sir講左我所欠既野...但我可以點做呢??
就係俾d力去做...我係識既,只係太賴喇....
無計啦,以前中學打慣左...對住d女仔...miss謝一定係叫我細力d,唔好整親人=_=
久而久之,一到練波就會就住就住,驚整親人lor....
不過宜家d人真係好化學嫁,我覺得...少少撞親就好似要生要死咁=_=
咁我仲可以點呢??俾多少少力都俾人話......
練完波去沖涼換衫~~原來ying楓都係大脾內側痛>_<
兩個一齊摸住自己大脾內側,俾人話樣衰wor~~haha
係taste買左十五蚊七件壽司~~~
去到旺角食完就上左wish cafe~~
去到成班人玩緊七級豬~~由零一跳就跳到六級-_-
原本無事嫁...最衰文丞啦.....可惡呀
但最後都係無輸到~因為文丞好快咁做左七級豬~~
之後就到食蛋糕喇~~今日係四萬既一萬日生日~~仲有補祝joey既生日~~
仲有大師兄日本手信,白之戀人~~
不過好多人聽日要返工...好早就走左好多人
之後等十二點打俾eva同佢講生日快樂~~
無耐就走人lu~~
好!!聽日先爆醬喇...hon pro hon pro ch.123>_<
差d唔記得...唔知黃sir係咪覺得我唔開心呢?
係咁同我講點解我今次入唔到港隊,而隊友就入左
其實我都無放係心
因為我知我之前入到係因為好彩...打波俾我好既大有人在
排到我死都未排到我啦
果次入港隊去廣州打波真係一頭霧水,或者佢係睇到我有體力啦
但我自己覺得...我d體能都唔係咁好jei
雖然係頂到三十分鐘半場,但係如果個節奏一快d都會死
而且係舊年大專果場波就證明左我係唔可以好獨立咁去打波
雖然手球係講一team..但係都唔可以無個人既發揮
講真我打波係無波sense,而且得個唔夠人蠻既蠻力....
我都唔知點解我仲可以係手球呢個圈子生存倒
或者我呢一世都真係太好彩喇....又有一問題.....
究竟我想係手球呢個圈子發展到邊個程度呢???
唔係呢篇度打喇....唔係長死左:p
文章定位：
