難民營 you can find manying here~ welcome to manyings’ PChome

63愛的鼓勵 0訂閱站台

31/12/2005
除夕的一天
訓到十點幾起身,睇番家姐之前錄左既野
兩點幾出佐敦飲茶~~食左唔係太多野
其實都仲有d餓
返左hall放低d野上下網咁
七點出門口去黃大仙
係龍翔中心等左一陣詩詩先到
仲有rico個fd dorothy
係黃大仙搞左好耐先買完野
特別係百佳搞得耐,因為驚買漏野...
但最終都係買漏左,要去士多再買
點知都係無.......係七仔買左d燒賣食
仲有樽裝汽水,原來宜家仲有玻璃樽汽水
而且仲係有得回樽既tim
坐的士過彩虹,嚇親個司機,由地鐵站去地鐵站??haha
入到西貢再坐的士入北潭涌
仲以為會好多人tim,點知入到去鬼影都唔多隻~~
不過原來係太黑睇唔到d人,都仲有d人係度燒緊野食
我地好快手咁搵左個爐
正準備起爐果時隔離爐既人就話佢地走
俾左佢地燒緊個爐我地~~唔駛起爐~~good
但係其實我地係幾失望嫁~~因為開頭我地係睇中左佢地有燈先過去.....點知:p
唔理啦~照燒可也~~詩詩同dorothy就去左食野
我就加炭,佢地返到黎都仲有一大輪野要搞
搞到d炭燒完一輪都未搞完,咁我同rico就燒住先
因為驚燒哂d炭我地都仲未開始:p
一路燒就一路吹水~唔覺唔覺就到左十一點幾~~
大家都好留心咁睇住隻錶到十二點未~~~
燒緊野食既時候不時都望下個天~~因為有超多星星~~超靚
所以決定要燒完野食就去睇星星~~
到左十二點~~好準嫁,因為我地打過去天文台check時間~~haha
倒數完就大叫happy new year~~
嗌完就係咁send msg俾人,點知成鬼日都話fail..........可惡呀
燒到一點幾有班人去左我地隔離燒,點知佢地仲快走過我地
我地三點幾先開始執野~~執到咁上下佢地走哂......=_=
三點九到就起行,仲諗住睇星星tim~~點知係唔知幾時突然間好多雲同好多霧.....
一粒星星都無.....
係咁行行行~~行到hitc,唔知點解無熄燈~有trainning都無理由四點幾都仲唔熄燈嫁,奇怪~~
再行行行~~五點左右去到創興霸尾
仲有一大段路入東霸
行到半路見到好多消防車同警車,仲有救護車入左東霸方向~~
rico仲無啦啦諗到d野話要玩~~
等d車走哂我地就係度玩喇~~我仲為左詩詩整親隻手tim呀..>_<
六點左右就入到東霸~~勁野
住左係霸中間等睇日出~~食左糖水~~影相~~
唔覺唔覺個天就光哂,但太陽都仲未見到,因為實在有太多雲同霧喇......
06年既第一個日出就係咁樣過左......
睇完日出,大定都決定訓一訓先出發去赤徑
因為大家都太眼訓喇~~去左東霸尾個亭度訓.......
好死大風呢>_<
咁樣2005年就完左喇~~~我要放底既野要放底喇........