難民營 you can find manying here~ welcome to manyings’ PChome

63愛的鼓勵 0訂閱站台

6/11/2005
今日一早起身,天氣凍左咁bor
隻腳唔知係咪琴日打完波....有d痛....
又諗跑唔跑好...但係唔跑既話...吳太會好失望
因為好睇得出星期四我話跑果時佢係幾咁高興.....
係lift口撞到阿chris,佢去又一城
入到中大,大家都熱緊身,因為我都遲左呢
本身八點前到,我就八點三四先到
換衫出去jog圈,點知連跑平路都痛呢....>_<
果刻真係好唔想跑呢....但唔知點同吳太講
之後聽到鄧sir話,落斜加唔到速既咪就住lor,就係因為呢句
我就覺得我跑得幾慢都好,都要落場~~^^
唔知係咪隻腳傷左,對自己既成績無咩期望,所以心情好輕鬆^^
但係俾四萬編左我排最後點都有d唔開心......唔知點解好想企係前面
帶住靜怡開圈.....佢對自己既均速都不是太熟悉喇.....
但係後面,見到poly最尾果位人兄穿左脷環>_<
企後面都唔係唔好,因為有好多空位俾我跑~~我跑最外圍~~追左唔少人呢:p
唔知係咪比賽既時候arousal level高,隻腳唔多覺有痛:p
但我都唔敢去太盡,因為兩個星期無跑過,而且驚再整親多次就shit喇
keep住係中游度跑~~~平路同落斜都盡量keep住快少少
本來以為落斜會好痛,點知開頭又ok wor~~返而上斜就做唔到dorsi flexion動作而跑唔到
所以斜d既上斜都係行.......但係其他無事既參賽者都係行....
我keep住高速咁行,所以無點俾人過
去到水站見到有水,好開心咁去拎啦
一飲就知死得喇...都唔係水黎既...係iso tone....
飲完喉嚨有十個辛苦...>_<
上到斜頂~~我就過左joey同樂琪
自己隊友係我前面既得番eli同靜怡.....
落斜諗住同佢搏命啦,點知落到去最後一段直斜路隻腳又痛lor=_=
都係減番少少速~~~因為都過左唔少人喇之前
入到運動場無俾一個中大人追過左....
最後名次係42...上年既double........
跑完太熱喇...好辛苦,個人有少少wing....
見到靜怡訓左係度...佢去得太盡喇....
佢抖左勁耐先可以起到身....
之後等男仔跑~~估唔到今年我地實力提升左都唔及人地咁勁呢
男子組ied今年拎哂個人頭三名@o@
總團體係中大同ied同分
女仔團體係poly,唔弱wor~~^^
今日跑完大專我就做左浸大越野既老鬼呢....唔想認老呢
沖完涼,影下相,hea多陣我地先走人,差唔多最尾走人呢:p
去左明星海鮮坊飲茶~~服務態度一般呢....
埋左單都仲係咁吹水^^三點幾先走人~~
去左新城市諗住睇戲啦,點知多人到爆,又唔知我地睇果套爆唔爆場wor
最後係走左人,坐車返屋企訓左陣覺
無錯,係返左屋企,因為我無帶hall既key card
而且約左周小姐同ada姐係荃灣食dinner~~
訓到九點起身出門口去荃灣大會堂搵佢地~~
係濠江食,一路食一路睇無聊既電視劇.......
食完同周小姐去左惠康掃貨~~見到d奇景~~haha
之後就返hall,洗衫,又差d係yonnie房訓著:p
曬完衫去左肥斌房溫gym,聽日測驗wor....
三點幾先有得訓zzzzzzzzzzz