難民營 you can find manying here~ welcome to manyings’ PChome

63愛的鼓勵 0訂閱站台

1/11/2005
今日上nutrition,又係九點半堂,又係九點半起身
不得不比個服字自己
無計啦,今朝四點幾五點先訓~~起到身算好啦
一路上一路訓....但又聽到書wor
立明有聽書既問我野,我又答到wor...都唔知點解...haha
之後去左上壁球堂~~今日終於打番d game啦
三勝兩負咁啦~~算吧啦,隻腳傷左都唔想咁搏
又整親就俾吳太鬧死啦
hea左一陣就落堂去左又一城食lunch
係delifrance食,個waitress既態度唔得lor
angel就寫左封意見書haha
食完就出左太子拎左d野俾deo,關乎我既幸福嫁張紙~~^^hehe
之後係太子行左陣,再行左新世紀,落埋旺角行
之後坐巴士去樂富再行~~租左三本漫畫~~四日三夜抵到爛~~
返hall問志成借左d野畫畫~~聽日要交功課呢....
之後係hall hea左陣就出佐敦搵阿媽食飯
食完飯行左陣廟街,見到有間自稱係outlet既舖頭
專賣addidas野,入左去睇,見到幾對類似手球鞋既物體
不過又唔係真係咁平jar....
食完飯都仲未飽完,入左七仔買奇趣杯食
食完滯到上心口,為左隻叮噹公仔:p
之後就興起去行係旺角果間專賣公仔既舖頭
中途見到間新開既行山舖,係油麻地附近既
平時係旺角其實都上慣d樓上舖,但呢間真係僻左d...
一入到去無咩人,間舖頭仔又得一個細細既指示牌,差d睇佢唔到
但係d又紅又黃既廣告燈箱就大到盲既都睇到
行上去果時真係幾驚行錯呀...
上到去都無咩睇,d野又偏貴的=_=無咩事都係唔好上去
行到去旺角賣果子玩具間舖頭,見到lego出左警車系列,有三款
想要警車仔但售罄...諗住將就下要架電單車啦
點知又話無得散賣...=_=
落到旺角打俾rico,佢話佢地同緊警察講野
去到原來頭先有架車差d撞到浩然,佢地心心不憤就報左警
就係為左呢單野,原來佢地未食dinner
去左kfc食,見到詩詩買左跑鞋,問佢幾錢
佢答我五十幾@o@眼都突埋原來係五百幾lor...
之後就話rico買左對三個幾既襪haha
今日仲出左兩隻新野~地茂牌茄汁同胡椒仔~~haha
之後就去睇再說一次我愛你
係賣票度等四萬,點知原來佢上左去上面
咁就等埋eli啦,等左勁耐lor
我同浩然未睇過就上左去先
點知上到去原來eli係女廁=_=打俾rico,叫佢同詩詩可以上黎haha
呢套戲令我眼濕既位竟然係....
楊采尼同劉德華嘈交果幕.....因為實在係同我阿爸阿媽嘈交既情況一模一樣=_=
本來都幾好聲好氣,但係楊采尼發左幾錢脾氣,劉德華就一拳封左埋部電視度@o@
部電視面碎左
真係好似,我阿爸曾經一拳封落對木門度,對木門即爛
有一次我阿爸拎起左d茶几仔一野掟落地,碎哂@o@
唔明點解嘈交嘈到要打爛野??力的表現??
劉德華點解唔解釋??解釋左咪無事lor??
明日環同四條a既魔術都唔難玩~俾d時間我就可以好似劉華咁喇~~
明日環係詩畫之前示範俾我睇,我偷偷學識左~~^^"
而四條a係我睇完劉華表演之後就諗通左^o^
睇完戲我地夜闖朗豪坊~~專登走左上十三樓坐扶手電梯落
係十二樓半有條樓梯望番落下面~~好正呀
出到巴士站就岩岩有車返hall
今晚仲要畫畫同溫motor learning...唔知幾點訓得=-=