難民營 you can find manying here~ welcome to manyings’ PChome

63愛的鼓勵 0訂閱站台

25/10/2005
訓得唔好,因為發左個惡夢....
環境有d似pts同HITC既合併版
人物有好多,有d我唔識,最印象深既係有我阿媽=_=
個夢一開始就黎槍戰,類似警察用果隻手槍啦
咁我唔知做咩鬼,好勇咁拎左兩枝槍去同人駁火=_=
點知就俾人shoot中個頭,但唔知點解又好似唔係好痛咁
繼續同人駁火=_=之後個頭又唔知中多幾槍....
跟住仲未死得,死頂上左架車,係我阿媽做司機..
為左唔俾我阿媽知我中左槍,我就死頂住=_=又唔知點解冇血嫁bor
頂到咁上下知道自己唔掂,就黎死果隻...無啦啦去左照鏡睇傷口....
個傷口好得意,係一個cone咁既形狀....又真係無血嫁bor...傷口仲清楚咁見到好似埋左口咁=_=
之後就醒鬼左@o@又會發埋d咁既夢
仲要係自己知自己就黎死果陣都可以咁冷靜要隱瞞阿媽=_=
但我發覺如果我就死既話,我係無咩唔捨得lor,只要唔俾人知is ok.......
醒左個鬧鐘就響喇...
去上nutrition,又唔知係邊度陣d note出黎=_=
星期四要交功課,未做過~好野~不過估計只需一晚ko佢
星期四做lab,唔知有咩搞作呢^^
之後去上壁球.....灰哂
今日分男女子打單循環...第一場對angel~~win9:3
第二場對小慧,我地打到差唔多咁
點知我就黑仔喇...一野個頭就撞左埋場
無事啦,繼續,點知就一野拗左柴.....訓左係個場度move唔到
仲要痛到我痴線,訓左係個場度等人救
雷博士係咁問我野...我痛到唔想答,淨係講左inversion同2nd degree既injury
之後就有四個人抬左我出去坐,敷冰
咁我就成堂坐左係度睇人地打波...受傷既一刻係諗
死喇...6/11要跑大專...跑唔到就俾吳太鬧死..
之後就諗,死啦,星期日有手球聯賽=_=難得推左ayp....
第三就係陸運...唔知好彩定唔好彩,我都真係唔係咁想跑....
落左堂之後就由雷博士車我返bu,阿jack就扶左我上十六樓
係房入面hea......訓左陣.......
想做hon pro,但由於擔心隻腳無哂心情做....
lunch無食到....兩點幾子敏打黎
去左永隆搵佢,點知原來placement center借野唔駛學生證...走人
去左聯福食tea,五點五十分出門口
因為約左七點係佐敦睇醫生,本身係睇隻手
睇黎可以睇埋隻腳
去到佐敦搵阿媽帶我上去
原來果度係做推拿&針灸
俾個醫生針到我痛到死...係咁大嗌=_=
入肉果d痛同痺,真係唔識點形容呀>_<
一整就整到十點幾,個醫生都癲嫁,叫我兩個星期唔好行wor
叫我請兩個星期病隻wor...佢都癲癲地嫁
我阿媽都話無可能唔行~~^^
之後同阿媽去食dinner,食完就坐的士返hall
第一次咁豪呢我阿媽~~返到hall由於隻腳太痛同太腫
心情好down....咩都無搞過就訓左lu
諗番起,唔通個夢係預言左我會拗獲咁勁既柴???