16/8/2005
今日一早就起左身喇~~去荔枝角搵詠琴拎相機~~
差唔多返到屋企阿爸就打左俾我
返到屋企就執野向迪士尼進發~~
迪士尼線架車果然不錯~~~係車上面已經開始影相lu~~
去到迪士尼站都影左^^
行左一大段路先入到去正門~好多人呢~~
係迪士尼入面第一樣睇既竟然係crystal lor
我阿爸話要睇的~~不過又真係幾靚wor
之後就向tomorrowland進發,見到三棵同保齡球樽好似既樹~好特別~
之後就入左去玩space mountain喇~~正呀~~d裝修好正
其實入去果時都唔知玩咩~不過聽人講都幾好玩就入左去~~
原來係過山車~~不過係一個好似太空既環境玩~~都唔知自己飛左去邊
又唔知自己將會飛去邊~~都幾正嫁^o^
玩完出黎真係high左咁,我後面果個細路就驚死左
仲有個阿婆tim,幾驚個阿婆會心臟病發呀~~因為大家都唔知咩黎就入左去^o^
玩完出黎就去左搵巴斯光年影相~~超正
再去玩激光槍~~horhor,我有lv-3~~
又係開頭都唔知係點玩的,最後就發覺係射d咩喇~~~
之後去左幻想世界~~經個城堡入去~~個城堡真係幾細下~~
係幼想世界第一樣玩既就係坐winnie the pooh既蜜糖樽
入面d野好靚呀~~^o^
每玩完一樣野都總係行左去間shop度~~迪士尼都真係幾識做生意呀~~
跟住就去左睇阿爸推介既立體影院~~拎左係日本同一款既眼鏡~~影相again~~
今次等耐左喇,企左大約十五分鐘左右先有得入去~~
發覺日本d人真係守秩序d~~同樣既場地,同樣既規矩
香港人係唔理d工作人員指示的,係日本既話就真係要係最頭坐起
香港既就係中間坐起~~就係因為咁~~我地坐左係中間~^^good
呢個立體影院真係十個正有十一個~~~
d立體既野引到個個都伸手去摸佢~~好搞笑~~我隔離位一定係投入得滯
咩都笑得一餐~~~
幾特別既show~~有幾個唔同既迪士尼主角~~仲有特別效果~~
比起日本果個得最尾係度噴水好得多^^
最尾隻donald duck真係飛左出黎~~好鬼正
睇完個咁正既show~~要break一break啦~~去左食lunch
原來今日所有餐廳既野食都有七折~~好抵~~不過質素一般啦~~
但其實d野都不是太貴喇~~acceptable啦~~$50左右一餐~~差不多了
食完野就去左冒險世界~~坐左船仔~~
個導遊ok搞笑~~但有時避免不了有d爛gag
呢個trip都幾好玩~~有得睇動物,食人族同噴火~~都唔錯~今次有七個正
行到去loin king個show既門口,原來要四點半先有得睇~~
拎左fast pass~~跟住就去左坐木筏去泰山屋喇~~
唔錯唔錯~~迪士尼入面d公仔真係整得好真~~好靚~~百影不厭
之後坐番木筏走人~~同左一個工作人員影相~~~
三點半先做巡遊~~同阿爸去多次tomorrowland玩多次space mountain
真係正~~有九個正~~又周圍咁影下相~~
再玩多次鐳射槍~~~今次都係lv-3,但阿爸就由lv-1升到lv-5~~@o@
今次再發現原來我地坐緊既太空倉係可以轉黎轉去的~~
俾阿爸轉到我頭暈暈眼花花@.@
之後就係美國大街行左d shop~~買左盒巴斯糖~~幾抵~~廿蚊雞jar~~
咁就差唔多時間睇巡遊~~
等左好耐~~遲左成個字先開始lor個巡遊
好在今日唔係太好天~~唔係就熱死人喇>_<
巡遊都幾正~~有六個正啦~~d花車真係幾靚~~
加上d音樂同埋d caster既dance~~氣氛好正~~
仲差果四個正就係因為個巡遊先得果半個鐘都冇=_=
得好少花車jar~~比起上次係日本睇個巡遊都同左唔少時間
仲要多好多架花車tim呀~~如果可以多幾架就會加多幾個正比佢
睇完花車,四點鐘~~係時候去返loin king睇show喇~~
拎住fast pass入去~~果然係快d入到去排隊~~
佢分左四個area等~~等左十幾分鐘左右就入得~~
我地個area第一個入~~點知原來佢係四面台~~
四個area一人入一面台=_=
今次d人都幾多想衝去隔壁台~~點知今次就比d工作人員叫番轉頭~~~
香港人都真係幾唔守秩序~~^^"
呢個show都唔錯~~係講loin king入面samba點樣成長~~
有八個正啦呢個show~~因為不及立體影院既真實效果正
而且我又坐得遠左=_=睇得唔係太清楚
而且叫左d人唔好用flash影相,但係場入面又狂閃d閃光燈=_=
睇完show又去左幼想世界~~見到d公主~~
阿爸話有個著藍色衫既公主最靚~~同左佢影相~~都真係幾靚wor~~
我仲影到佢轉身果下~~條裙飛起左咁樣~~好靚的^^
之後仲有個係睡公主~~阿爸搞gag話乜睡公主唔係訓緊覺既咩=o=
去左玩咖啡杯~~超頭暈@.@因為同阿爸係度自己狂轉自己隻杯
轉完之後阿爸話肚餓~~去左食個tea~~
臨離開間餐廳果時~~無啦啦聽到個待應話~~"byebye喇王子"
即刻O左咀,我阿爸又係度話~~"咁我咪係國皇"O咀again=o=
食完就去左坐火車~~圍繞迪士尼一圈~~
原來真係幾細,一個圈都係坐左五分鐘既車程左右~~而架火車仲要係慢駛的
坐完火車~同阿爸無聊到玩小飛象~~~真係幾無聊
迪士尼入面有一把劍~~話邊個可以拎出把劍就係英國皇子~~去左玩~
當然就真係拎唔出啦^^"
之後就狂行d shop~~又買多盒糖~~今次係怪誕城既jack既糖~~十蚊雞jar~~
原來迪士尼入面賣既野既價錢都唔係話貴到飛起~~可以話係合理咁啦~
原本仲想買incredible既cookies嫁~~不過諗諗下買咁多野返屋企會俾人殺的>-<
係間shop入面唔見左阿爸~~打電話俾佢~~點知佢話聽唔到我講咩=_=
好在都搵得番佢~~入左一間金舖睇野~~~d野貴lor~~因為好多都係4條9既金
仲有間係for人睇相~~超多人~~冇迫入去睇~因為都好似幾貴
係迪士尼入面最唔抵既都係相~~~因為都真係幾貴~
5r既要成九十蚊@o@
之後都差唔多夠鐘睇煙花~~好正~~雖然企得遠左少少~~
掛住影相又睇唔到煙花=_=
睇完煙花就走人lu~阿爸就stay左係入面,因為佢今晚都仲要開工
我就諗住行出去搵警署影相~~點知搵唔到lor~~都唔知邊間係=_=
之後就坐地鐵back home~~沖完涼~睇埋妙手仁心
唔知幾時就係阿媽張床度訓左~~太眼訓喇zzzzzzzzz
文章定位：
