難民營 you can find manying here~ welcome to manyings’ PChome

63愛的鼓勵 0訂閱站台

6/8/2005
今日一點半去銅鑼灣~~
約左越野隊既人去陽光與海灘~~
去到銅鑼灣先買左少少野食做lunch
因為我今朝訓到夠鐘先起身~~冇時間食野
點知等左半個鐘先齊人坐van入去
去到淺水灣再要轉的士,仲以為咁快入到去tim
去到南灣~~好少人啊~~^o^
一去到就沖落水~~有rico既浮床真好~~
扒係浮床上面飄下飄下咁,真係正爆~~
之後唔知點解同左eli一齊拉阿妹,rico同梁生出浮台
好在唔係太遠~~都未死得住~~^^
跟住上左岸抖一抖,曬左陣太陽又落過水
今次自己游出去搵佢地喇~~~
又係海中心飄左好耐~~
五點左右啦~~就開始曬太陽,但個太陽已經唔係好曬喇
曬左一個鐘左右都唔係黑左好多
今日有三個人因為係抽筋而要救生員用隻艇救佢地返上岸
原來eli同tosca,仲有阿年係岸邊睇左一場比賽~~真係激
聽番eli既轉述有如親歷其景咁~~~
南灣果度既沖身處同更衣室都好乾淨
所以我都可以搞到好乾淨咁走人~~
eli要送佢姨甥仔過香港仔,咁我地就出中環先
eli話我地做咩咁浪漫咁坐船過海,都唔知有幾浪漫=.=
尖沙咀係超多人,都唔知咩事咁多人,唔通真係等睇激光匯演??
係過緊尖東途中join埋浩然
係一間舖頭食左海南雞一隻,仲有咖喱牛腩,通菜同一打串燒
rico個fd真係冇介紹錯
隻雞真係冇得頂~~超滑而且冇骨~~good
d串燒都唔錯嫁~~不過等左我地好耐之嘛=.=好明顯係冇落單>_<
九點幾rico同佢個fd就走喇
我地五個人就打的去油麻地睇戲~~
約左好耐的"我的馬拉松",係mc買左六折既野飲同join埋eva就入場lu
套戲都幾好~~講既野唔錯~~
究竟個男主角真係鍾意跑步???定係因為佢唔想再俾阿媽拋棄??
睇佢跑全馬已經一清二楚
咁我又係咪真係鍾意跑步???
其實中一至中七跑步全部都係被迫的
唔跑唔得,就算想唔跑,d阿sir總有多多威脅咁……..
當時完全係討厭跑步
到左入大學,我亦都因為我既運動成績加左分入到大學
所以第一年都唔敢唔跑>_<
跑完比賽之後冇哂動力去練跑~~
第二年,越野隊團結左,跑步既氣氛多左
同佢地一齊既時候又開心~~所以都時不時會同佢地一齊跑
宜家有時我自己都會去跑下步~不過次數極之少
其實我真係答唔到我宜家有冇鍾意跑步
因為我淨係鍾意周街跑,你叫我係運動場跑我會覺得悶
不過我就係鍾意周街跑,相信之後都會keep住周街跑~~~~
鍾唔鍾意跑步已經唔係大問題~~只要我想跑既時候就去跑is ok~~^o^