7/6/2005
RICO:生日快樂呀~~
今日又真係陰陰地天,落左陣雨bor~~~
十一點幾起左身,上網
一點幾出左門口,去左剪頭髮~~
因為之前講過要係11/6前去剪,而咁岩今日要去雷sir婚禮
順便剪個靚頭去觀禮啦~~~
剪完兩點幾係荃灣行左陣,去左中興買左對mizuno~~~
$238個款都叫ok呀~又唔係太貴^^
不過係千色店睇中左個背囊同斜"咩"袋<--好like個斜"咩"呀~~
但係我諗我會買個背囊,始終都係背囊實用d既...
但都係掛住個斜"咩"....因為實在係太太太太鍾意喇=.=
之後就出尖沙咀喇~~去到文化中心
都唔知邊度打邊度,好在都有足夠既指示牌俾我搵到~~~
醒目到冇上三樓,差d俾譚子麟fake左~~~
去到,原來都係得幾個人去jar.....
雷sir應該冇咩親戚,得幾個人
如果唔係我地少年團有人去,我諗一對手都數得哂d人
入到去舉行婚禮既地方,間房都幾細
有個人就教對新人點樣進行
之後個主禮官就入左黎~~講左一大輪野
之後就到新人交換介子,原來男女都係戴係左手無名指的^^
今日先知呢~~原來唔係男左女右~haha
之後先到新人宣誓,簽左結婚證書
呢個婚禮一切從簡呢
十數分鐘就完左喇,雷sir就咁就一世喇
希望佢地白頭到老,三年抱兩啦~~~~^^
係儀式完左之後,大李sir先到~~好耐冇見佢呢
佢話我地d樣變哂wor~~鬼咩,咁耐大見~~~
佢話佢果日見我係城門河扒龍舟bor~~
原來佢11/6都會去扒呢~~唔知見唔見到佢呢^^
係間房度影完相之後就出左出面影
唔知雷sir係咪開心得滯.竟然講左句"嘩,乜咁熱呀"
但其實果陣時係落緊微微雨而且好大風lor
原來佢係想講"乜咁大風呀"
唔知點解....最後係講左"熱"lor~~haha
影左一陣相都走lu~~~
林sir要去開會,不過都俾譚子麟佢地搞左一輪先走得
因為要簽ayp,我諗我會同佢地行埋銀獎先考金章喇
反正我只係差野外鍛鍊jar~~~
返到荃灣去左打機,打左ada介紹既唔知咩咩鼓機
第一舖打初級,悶到我唔想玩lor........
第二舖打中級~~有d料到喇
不過四粒星都唔係太難,打左兩首八粒星的~~~有d睇頭喇^^
之後又去左打太鼓,打打下覺得隻手有d痛
一望~.~嘩,甩左皮,仲起左個水泡tim......
痴鬼線,扒龍都未起水泡..竟然打機打到起水泡
咩人黎嫁=.=
打到起哂水泡就唔打喇,去左荃豐行
諗住睇下有冇野買~~^^點知冇野好買
等到ada黎左,睇左陣碟~~~就行去愉城
去愉城途中買左個蔥油餅食....今日第一樣落肚既野~~~
但係唔知點解食完都覺得好飽lor....死啦,唔通真係細食到咁
ada食愉城買左兩件衫同一個側"咩"袋
因為同佢睇個袋,我地係giga sport唔知搞左幾耐
拎住個袋左睇右睇前睇後睇上睇下睇
就黎反轉佢黎睇,真係唔知睇左幾耐
佢諗左好耐唔知買唔買好,因為佢話佢有好多個袋係屋企
佢有個背囊,斜"咩",細袋仔,手揪袋,衫袋,手提電腦袋<--一聽到真係想死,咁都計
咁我屋企仲多袋呀,有背囊三個,側+斜"咩"袋兩個,百佳袋n個,背心袋過百@O@
咁睇黎我都係唔駛買袋喇......=.=
最終都係買左,因為個袋夠佢番meeting仲可以放埋對鞋
佢本身想換浮床玩嫁,不過原來要係買a字頭游泳用品先可以換
搞左n咁耐終於都可以離開giga sport
之後同佢一齊行左去福來村果邊個巴士站
冇陪佢等車就走左lu~~勁衰~~haha
因為我阿媽打電話黎趕我去食飯,再唔快d會有世紀風暴....
食完飯返左屋企就係度諗澳門之旅
上網睇d酒店資料,點知我阿媽又話人地四,五星d酒店成四百幾五百蚊貴
但又話人地d二百幾蚊兩星酒店得兩星.....都唔知佢想點
又要平又要高級..真係難搞
睇左勁耐資料我地既結論係"聽日等佢問下佢d同事先,再唔係去到澳門果邊先算"
我阿媽搞事咁講左句"去到時book啦,都係差果百幾蚊jei"=.=
我地之前上網睇咁耐..咪就係因為你話d五星貴過d三星百幾蚊lor
宜家又話差百幾蚊無所謂..真係唔知佢諗緊咩...
唔理喇,一於聽日先算~~宜家要訓z.z
文章定位：
