28-29/5/2005
由於個camp實在太正,所以一定要一次過寫哂
希望夠位啦~~~
話說28號我地約左兩點係碼頭等
有我,tosca,rico,四萬,阿年,joey,eva,tony,leo同飛機
點知飛機遲大到,佢話佢兩點三到左wor
不過搵唔到個碼頭所以遲到
咁樣我地就要坐快船入長洲喇.....廿幾蚊....貴左成倍......
飛機回水呀~~>.<
係船上面大家都好有文化咁係度睇報紙,都真係唔知點解咁有文化.....^^"
去到長洲分左兩組人
阿年,eva同tosca去左check in間房先~~我地就去左買今晚既dinner
我地開頭諗住煮飯食嫁,有joey係度嘛~~~點知入面d工具實在係太簡陋喇......
所以我地最後都係買野打邊爐...............
買完野入到去家輝苑~~b座~~冇錯我地就係住呢度喇~~
成班攤左一陣屍就上左籃球場玩集體遊戲lu~~
玩左個兩個人背對背一齊起身,唔可以用手的
到左一大班要一齊起果時~~都諗左好多方法先勉強試到~^^"
之後就玩一個成班腳勾腳要跳既遊戲
我地好快咁跳左一個籃球場,仲可以冇踢跌個汽水樽咁令佢入左我地個圈
之後仲有一個係將tosca隻monkey仔掛係籃球架
每個人都要用鼻去掂~~
掛上去果時我地緊係要最高既飛機去掛啦
不過佢都差少少......好搞笑.......
我地用bu既遮袋黎掛.....點知個遮袋太輕落唔番黎打結
咁就將d重野聚住個袋先啦~~~
點知另外一邊又飛埋出黎~~haha好搞笑
不過我地好快手咁所有人都掂到lu~~
飛機真係高到癲~~佢既一跳+tony輕輕一托就掂到lu.....
原來飛機以前有去選bu籃球隊,不過因為要練四日波
所以佢放棄左,佢話因為要練跑wor~~~@o@佢真係好鍾意跑步wor~~~~
玩完一輪既集體遊戲,就到今個camp既戲玉喇~~~~
大家換好哂衫就出發~~要圍長洲跑步呀~~~好開心~~
不過一出到去四萬就帶錯路,我地reverse左條路黎跑~~haha
不過又俾我地發現左個靚view~~~~
七點幾跑埋出碼頭接阿糖,我地就向張保仔洞出發喇~~~~~yeah~~
不過係跑緊去張俘仔洞既途中,我見唔到有一級
就係咁我成個人訓左係地下.....隻右腳痛到死
心諗今次既拗柴係大鑊野....因為我唔可以即時企番起身......
坐左係地下好耐.....都有成分幾鐘
好彩最後都仲行到路~~~~但係就唔跑得喇.......好對咁多位唔住tim....
大家一心諗住跑步,點知我就搞到大家都跑唔到...........
去到張保仔洞,個天都黑哂喇~~^o^入到洞入面仲黑~~~
我地一行十一個人~~係張保仔洞唔知搞左幾耐先入哂去~~^^
不過真係好黑呢~~如果唔係有rico既電話同電筒
都唔知點行lu.....
入面真係好窄....有d位仲要蹲底先行到........
係入面,我地試左停哂係度,熄哂燈咁~~
挑戰一下大家既膽量,joey真係好驚.....佢係果十秒入面係咁捉住我隻手唔放......
行緊去出口果度d石好濕.....又滴水wor....>.<不過太黑都唔知果d係咩水
個出口又係窄嫁~~高少少既人都難d出
我地幾驚飛機出唔到黎呀~~haha
行完張保仔洞都差唔多時間返去lu~~因為都成九點幾十點~~
仲未食飯呢~~佢地都有諗跑番去,點知又係因為我跑唔到
大家都冇跑.........要行過長洲墳場.....都幾驚下wor,好大既墳場........
今次到eva驚lu,不過我都唔敢周圍望>.<
返到去就開始整今野打邊爐既野~~相信joey真係好肚餓
因為個個都入左個廳坐既時候,佢就第一時間入左廚房整野食haha
好在有三個沖涼房~~唔係都唔知要臭幾耐先可以去沖涼lu.......
等緊沖涼果時有得睇奇幻潮...點知都唔好睇既~~~
仲有得睇鋼之wor~~kaka~~
我地搞到十一點幾先有得開始打邊爐............
開頭仲諗住十二點幾接阿觀,rainbow同amy果時出碼頭食宵夜
睇黎都係食唔落lu~~~~~~~十二點幾果時都仲打緊~~~
不過我因為整親隻腳,所以好多野都唔食得........=.=
平時既就唔理嫁喇......但係今次真係好嚴重.......食食下野發現隻腳多左隻蛋係度......=.=
好在雪櫃有冰,即刻冰一冰佢先,唔係聽日都冇得玩.......
食完野,而阿觀佢地未入到黎既時候
我地成班係度睇醫生~~係ya~~睇joey醫師~~haha
醫生話我脈象有d浮,可能就黎病...唔係掛......又拗柴又病....會死人的......
電視做奇異空間,有dd想睇,但又有dd驚~.~haha,d人話好邪嫁嘛~~~~
都係玩下睇下既情況下睇完~~~tosca話係講精神分裂
我都覺得幾似~~~不過張國榮真係做得幾好
睇完就開始玩遊戲喇~~^o^
係問答遊戲,阿年好勁呀~~借左d燈黎玩~~
好似d咩咩校際問答比賽咁~~^o^超好玩~~~
分左三組~~我,四萬,浩然,飛機一組,叫做飛鴻組~~haha
joey,阿觀,rainbow佢地果組係紅花會......=.=
rico,eva佢地係越野隊......好行wor....
第一回合,係必答題....有三個信封....呢個回合係joey佢地果組win
第二回合係選範圍答題目.....有七個範圍
時事,電視,電影,文化藝術,浸大越野隊,浸會大學,體育
joey佢地果組係浸大越野~~原來佢地冇人知吳太叫咩名...=.=haha佢地死喇
連rico都講錯左....haha
我地果組係體育,不過時事性既體育都真係唔識lu......不過我地以我地唔識你都唔識既膽去答haha
eva佢地果組係時事,不過點知似法律多過似時事lor.....
佢地好勁,有好多都撞岩.....佢地呢個回合win左~~
第三回合係人地指定範圍題目,eva佢地果組俾左浸會大學joey佢地果組
都真係幾難wor.....我地答電影....成組冇人係電影精......
仲要淨係識外國電影......死哂...
eva佢地果組就答文化藝術,我地冇諗過阿年佢既文化藝術水平
原來d題目都好簡單....=.=
所以呢個回合又係eva佢地win~~~
第四個回合係搶答題~~~我地成日都唔夠eva佢地快......
而且好多都唔係太識,不過有一題係amy同joey之戰
因為係問中醫的.....兩個中醫人.....
第四個回合都係eva佢地win
total既分都係佢地~~而我地果組就係第二,joey佢地就第三~~haha
玩到五點幾呀~~~~玩完大家先去訓覺
係玩緊果時,我地果組d人係咁食係咁食
rico發現左飛機原來係好為食......真係嫁
佢係咁食朱古力,薯片,零食...食唔停,仲發現佢何時何地都可以拎到包零食出黎~~~
佩服佩服~~~
而飛機又發現原來rico係好多sms收的~~haha
返左上房訓~~阿觀同rainbow佢地未訓住~~
咁我,rico,阿觀,浩然就係度玩鋤dee
仲一路聽住歌一路玩tim~~~好多孫燕姿~~~幾好聽wor又~~~
玩左一陣,我同rico都頂唔順要訓覺.......
rainbow,阿觀,浩然佢地就三個人係度玩鋤dee
但係唔知點解我同rico訓左係床度就訓唔著~~~@o@
奇加怪怪的.....咁就同rico傾計
傾傾下,佢地鋤dee都散band lu~~~果時都成七點
阿觀唔知做咩,可能係過度活躍~~話想出去行下wor~~~
咁我同rico想叫佢出去買mc記早餐~~但佢又話我地傻~~haha
原來rainbow都有睇狐忍,仲帶埋入camp~~~~
好搞笑地,阿觀話rico殺過人.....haha
因為rico話我地傾計既內容會嚇親佢,佢竟然諗rico殺過人.......haha
同rico傾下傾下,都八點幾,唔知幾點我就訓左zzzzzzzzzzzzzzz
訓到十二點又俾人叫醒
因為一點半要還房,仲要執野同食早餐..........
joey負責整早餐呢~~有三文治食,不過唔食得蛋......灰
食完早餐執完野就上去左換衫準備落沙灘玩~~~~
係空檔時期我同rico仲玩左籃球~~d男仔就玩左羽毛球同乒乓球
兩點幾先落去沙灘,行行下唔見左阿觀同rainbow
佢地係個觀音廟度唔知做咩......勁耐先出番黎~~
去到沙灘~~我地係度玩拋手巾~~一個好耐都冇玩既遊戲~~haha
大家都係度研究究竟點玩~~haha
阿觀諗住我腳傷跑唔到~~點知俾我捉到~~wakaka~~
我地玩緊果時有隻狗仔係咁跟住我地跑~~
我地一有人跑就走埋黎跑~~笑死~~
原來長洲好多狗嫁~~有兩隻雪橇好靚的~~~
玩完拋手巾就玩飛毯~~~
係全部人企哂係個垃圾膠袋上面要反轉個袋
開頭都ok易,但玩玩下就,越黎越少位......
要揹人....又要迫haha
其實好多人都跌左出去~~但都繼續玩落去~~haha
玩完呢d集體遊戲~~我地就落水lu~~~
係水又有遊戲玩~~~係拎起個人唱歌~~仲要掟佢落水~~waaka
點知阿觀,rainbow同joey睇完人地玩一次之後做左逃兵....可惡~~
即刻捉番佢地黎掟佢地落水~~~haha
係岸邊玩左一大輪之後就出浮台~~正呀~~~
好大浪呀今日~~~一路游,feel到個人係俾d浪推番轉頭~~haha
游左好耐都到左浮台~~~~得我,tony同阿年出左去jar~~
個個都驚自己冇氣返岸wor~~haha
係浮台度攤左一陣屍就游番去
原來沙灘唔知幾時掛左紅旗唔俾人游出去......我地都唔知tim~~
游番去果時快到呢~~不過近岸邊d水好dirty>.<唔敢開口抖氣@x@
上左岸,都差唔多執野走人踩單車去~~
原本話要四點返到去營地沖身拎野走
點知我地d女仔係度狂影相~~~唔捨得走~~
佢地好多都著三點式呢~~唔影相唔得啦~~~^o^
五點幾先返到去,沖好身就去踩單車lu~~
不過eva唔舒服要走先......唔去踩單車.......
送eva走果時見到長洲既mini警車~~好得意~~
同佢影左張相^o^點知俾個警察望住~~後尾佢仲走埋黎問我係咪"伙記"haha
我即刻話"唔係啦,我仲讀緊書,遲d先係~~haha"
仲俾佢地係度笑~~~又話我真係好似警察~~又係度嗌madam....哈哈~~
搞左一輪我地就去租單車,個警察獱住架警車打開左窗
問我係咪ac~~我話係呀~~原來佢係ac既hq嫁~~
開頭佢問我,我仲以為佢係f sqn既tim~~~
長洲租單車好平jar~~$15兩個鐘~~~
我地租單車果時都已經六點lu~~~兩個鐘差唔多啦~~
我地踩左去張保仔洞果邊,點知踩踩下我架車個腳踏甩左....
麻煩tony幫我踩番去換車^^
去到等tony黎既時候又入張保仔洞喇~~~
阿觀無啦啦話保仔洞~~我地仲話佢乜你同佢好熟嫁做乜淨係叫人個名~~haha
今次去到,岩岩日落呀~~個景靚到呢~~~~
我地仲係咁唱夕陽無限好~~笑死~~
仲諗住今次唔開燈入tim,點知真係唔得喇....好黑
咩都睇唔到~~未入過張保仔洞既三個人以為要行好耐~~~
rainbow仲話要計時睇下行幾耐tim~~~~
今次少左人所以行得快左,但係今次超多蚊.....=.=痕死左
落番去就去左另外一邊踩~~踩到幾入呢~~~~
又上斜落斜~~上斜好在有得轉波~~唔係太辛苦~~
落斜.....唔敢太快,因為始終炒過一次......都係有d驚~.~
但落多一兩次都快左~~haha
還完車~~阿年同浩然好識做咁話去拎定位等我地~~
我地可以去行下街~~^o^太好喇~~~
一路沿住咁行~~都真係好多野睇~~~~
不過rico同leo要走先......佢地唔去食飯wor.......可惜可惜
係長洲食飯都幾平wor~~每人四十左右jar~~
仲有炒蜆同扇貝食~~~我覺得我地有d狼lor
拎住自己買既汽水飲~~又唔飲佢果度果d,好在冇俾人話jei~~^^"
食緊果時係咁睇電視~~百法百眾呢
我地都一齊係度討論d問題~~~haha
坐十點半慢船走人~~~係船尾吹海風~~好舒服
睇到星星呀今晚......可惜琴晚睇唔到......
係中環一齊坐地鐵返屋企~~坐坐下訓左.......
返到屋企執左少少野就訓喇~~~~~因為好累好眼訓~~~
文章定位：
