27/3/2005
今日朝早原本約左去行山
點知我好累加上又唔係d咩山
行青衣.....=.=所以唔係太大interest.......
又要早起wor,咁咪推左
係hall度訓多陣~~~十一點幾走左返屋企
係屋企都係上下網,冇咩電視好睇...=.=
返屋企最緊要係去洗衫
今日比賽件衫仲係洗衣機入面未洗..........
洗完就即刻開抽濕機~~驚佢唔乾.......
好在係出門口前都乾左一大半
原本諗住唔食野就去比賽嫁
不過諗諗下,今日生死戰wor~~一定要以最fit狀態打啦
食左個飯團~~補充體力~~~>.<
去到石夾尾見到佢地,一齊打的上去~~
去到都係遲左dd呢~~以極速換好衫就出去熱身喇~~~
今日要以最佳狀態迎戰死敵"少傑"
肥康講左好多我地今場應該點打點打
個個都好重視呢場波~~~因為真係要贏
要贏番啖氣>.<
開波,我坐係場邊=.=
睇住俾人數左四球........我地就一球都唔入.........
即係4:0.........好緊張,唔想再輸喇........
我唔覺我地同佢地既實力真係差咁遠lor...........
我唔覺得地真係唔贏到佢地lor..........
我諗差唔多十分數果陣我就落左場打喇~~~
今日我地士氣超good~~~
我有一球good既reverse~~~子琳入左~~yeahyeahyeah~~
我地終於都入到波喇~~~
之後我又有一球死轉入去入左波~~wakakaka
我始終都係鍾意捐入d人堆度:p
因為我覺得係有機既~~~
不過今日我真係要提醒自己喇~~唔係會失好多球~~~
上半場完場我地6:6打和~~
代表左我地上半場既後半段係打出6:2既攻勢~~>.
下半場我地就開始lead開佢地喇~~
倩文同子莉既steal好有效~~~搞到佢地唔多敢隨便傳波~~^o^
kaki同子琳係wing位又守得住人地兩隻wing~~~
得番中間三隻係度傳傳傳~~~~~子莉又守到隻center~~~good~~
我單對單防守又守得住隻輔~~~^^
大家既補位又快~~~所以下半場佢地傳失左唔少波,又冇乜點入波~~^o^
講番我地既進攻先~~~
子琳今日唔做處女會會長喇~~~好野~~
佢係wing位入左超多波,所以我亦都好放心咁俾波佢~~~^^
我都入左五球~~~有兩球係七公~~
不過超可惜係有球快攻唔入lor.........
今日我又開左個新會喇.......係"飛機會".......我出任會長一職.......
皆因我今日射左n咁多球飛機.......=.=其實都唔係好多球既,三四球左右啦
因為之後都唔多敢射喇,驚會累倒大家嘛~~~
所以我都係以自己一貫既作風,捐入去~~~haha
少傑d人今場好好野~~唔知佢地係咪知今日係金像獎呢
所以盡最後努力去做戲俾d球證睇
希望拎番幾個獎番黎................
好在d球證冇中計~~醒目
不過有時佢地真係唔係吹得幾好既我覺得
我有幾球撞左落佢地度,我都唔知自己係咪犯規嫁講真
不過球證唔吹雞死人都繼續啦~~~^^"
我撞到佢訓左係地兩次.................
我唔知子莉講得岩唔岩呀"你係入空位嫁,只係佢地移得慢所以防守犯規jar"
但我真係唔係有心撞佢地,講真呀
打波為既係入波,我撞你我都有機會get hurt,又唔會多左入波機會,冇咩著數
我做咩要撞你jei
不過佢地真係狂扮野lor,少少野就訓係地碌黎碌去咁........
或者有時真係撞得大左既,但唔係有心既咁點jei
倩文有一次手肘整左阿"爛口其"一野,係佢自己衡埋去俾佢撞
我都冇野好講,倩文又唔係有後眼既,鬼知你係佢後面咩
佢條粉人仲係咁話"打波定打人呀".....佢都癲癲地嫁
不過佢地有人紅牌出場~~嘩,果刻真係心都涼哂~~~
at last我地贏16:11,仲有機會爭第三嫁~~
睇下我地對卓麗同南華果兩場既得失球差
少傑仲有可能要降班tim呀~~^o^
聽到呢個消息真係開心指數去到200%呀~~~~
10/4教院舊生一定要win呀~~~仲要win到六球
我地一定支持你地嫁~~~~
我終於都搵番打波既樂趣喇~~~haha~~好耐都冇試過咁high喇
唔單只因為贏波~~仲係因為自己真係盡左二百個力去打呢場波
心理生理都係最fit狀態去打~~~~^o^
不過最衰就係做左"飛機會會長".....=.=
打完波就一齊去慶功啦~~原本去pizza hut嫁,點知要等兩粒鐘
痴鬼線,搵鬼等咩~~~去左花園餐廳食~~~~~~
十五個人呀~~~星期五肥康請左我地打邊爐
今日到我地請番佢啦~~每人都係夾幾錢jei~~~~
食完既時候,雕鳳拎左個蛋糕黎
原來愛瑪31號生日~~^^
食飯既途中,我地又諗左好多會出黎
rachael係"走步會會長"
有人係"越區會會長"原本係"踩界會"嫁
不過要留番個"踩屎會"俾教主
佢都真係幾慘,兩年幾前係西區踩左一野屎就俾我地講足兩年幾
呢當時未入會既人都知咩事,佢真係可以係嵐灣名留青"屎"喇haha^^"
宜家我地有"處女會","飛機會","走步會","越區會"同"踩屎會"歡迎有興趣既隊員隨時加入~~~^o^
十一點幾就走人喇,今晚返屋企訓唔可以太夜呢
如果唔係都會去同愛瑪慶祝
超正既一日,超開心既一場波~~~~~~~~^o^
文章定位：
