18/3/2005
今日九半要去上田徑,但就九點三先起身^^"
去到遲左少少~~今日教跳高~~
又幾好玩wor~~~等我試下去爆分先~~^o^
之後research method......又唔記得左要交功課
一路上堂一路做:p
好似做賊咁......勁驚俾dr. chow發現
最後係落堂前都交到~~horhor
之後就去執野,上網~~~
中文堂早走左一個字
條死人鯨魚好似好唔妥咁wor.....>.<又唔係我想既
不過我話係第二科既野,佢即放~~而且都係五分鐘jei
平時遲到都差唔多時間啦
但佢今日真係好燥,阿坤上堂傾電話俾佢見到
佢仲走左出去同阿坤講野...唔知講左d咩
睇左幾篇黃仁逵既"放風",要我地模仿佢既寫作??
有d難wor=.=
上完中文堂入沙田同康文署職員做test
有d就幾好傾,有d就好似趕住走人咁........唔算太忙
臨走之前ada打俾我問我係邊~~~
佢想搵人部佢睇大長金......不過我約左人唔知幾點返
之後佢又再打黎.....想叫我買野俾佢食.....點知我坐車直返bu~~~
佢兩個願望都唔可以實現lu~~~~~
返到hall打俾karina,佢仲未落堂.....
咁我就係hall度等佢電話啦.......點知得到九點九都未有電話
咁我就嘗試打俾佢啦......點知打唔到.......個電話係咁o都o都o都........
出lounge用lounge個電話打......."你已被接駁到......."
打打下發覺唔多對路.......用lounge個電話打俾自己..........收唔到.......-.-
唔知點解,果一刻覺得自己好似被隔絕左咁......打唔到電話又收唔到電話
落左樓.........打電話,都係打唔到......仲係留言
好肚餓,諗住找左把遮出旺角先算.......點知收到留言.......
原來佢已經係八點五十分同九點幾打過俾我............
佢話佢電話冇電...........所以我之後係咁打都搵佢唔到................
佢仲話我點解唔聽佢電話........>.<
仲以為佢點解唔搵我tim.........原來係我個電話係16樓收唔到.......=.=
打左去one2free度嘈......條友仔d語氣唔算太差
但對住一個心情差到癲既人黎講,佢係唔識去claim down左個人先再講其他野
好在我都鏱得住,唔係就會開火嫁喇..........
死人one2free搞到我甩底............shit
明明八點半係房都仲收到電話..........點解係八點五十分有人打黎就已經收唔到???????
有冇人可以話我知........>.<燥呀.........
行行下又諗都係唔好出旺角,所以就拎住把遮去左又一城
去到又一城又諗起打俾ada,佢都係未食野lor.......因住又唔知邊度抽筋痛死左
去左mc記買野返hall食~~返到hall就一路食mc記一路睇大長金
因為lunch冇食野既關係,我食完個巨無霸餐加大都只係岩岩唔餓........=.=
ada見我拎住把遮仲問我乜落雨咩??講起又燥燥地...........
之後去左818上網,上到咁上下醒起要搵人拎野聽日大專,因為我要三點三先到.........
之後順手拎番把遮返房,因為留係818都幾危險下......把遮又唔係我既....整爛左就無謂啦~~~~~
沖完涼又去818,磨鞋~~~超令呀~~~wakakaka
好俾心機去磨嫁^^
karina:真係唔好意思呀.......我真係唔係有心唔聽你電話嫁.........我都唔知點解會收唔到電話........遲d再約呀........你唔好嬲wor..............
文章定位：
