3/2/2005
今日十點半又上hea王既堂
今日又再繼續佢既hea王本色
話說今日係去做test既,點知部機竟然short左......
佢條友肯定冇備課啦
叫左志城出去補充上次佢present既野
好在志城有野補充jar
因為係志城補充完之後,廢up左一倫
就放左我地喇=.=
果時只不過係十一點八,我地原本十二點四放嫁lor.......
厄左我地差唔多成個鐘.......
之後同阿jack,志城去lib print野再過舊校
阿jack要交ear mark同問katy野
點知katy見緊學生,佢交低左ear mark就走
我都要問下katy幾時俾個subsidy我先得
咁我地就去左舊can食lunch
我食果碗麵有d臭味........但志城話係咁嫁wor....=.=
咁我既胃口就即跌.......但都係食哂碗麵嫁~~~~
之後上普通話堂,得我同洋蔥兩個perm人
其餘九個走哂堂@o@
個miss又係hea,聽左首歌"金魚與木魚"
對左答案,派埋功課又一堂........
落左堂即過r5拎hon pro睇,再過r7爆research method~~
聽日交喇.....做都未做過ya......
做左個幾鐘之後就去左舊校搞sales week d野~~搞左個幾鐘again
搞完去左lib約續爆份research method
搞左咁耐都大約定左個題目"reaction time of elderly"
暫時係咁先啦,冇時間再諗喇
一爆又爆左兩個幾鐘
六點半左右返hall,諗住去彩虹道選拔
突然baby打黎,問我食唔食pizza??
想嫁,不過要練波,點知同baby講緊電話中途就見到baby喇
但係打左俾肥康,知道邊兩個係教練之後就唔多想去
點知肥康後尾又話原來要交from先去得......即係-->唔駛諗lu
唔去>.<~~咁就留左係日本野度同baby,劍青,雷芝去食"下午茶"喇~~
無錯,係"下午茶",佢果度d下午茶係去到七點嫁,勁正
食左個咖喱雞排飯都只係22蚊,仲有面鼓湯同野飲
凍飲都唔駛加兩蚊~~抵到癲
食食下有班人入左黎
原來係ada同佢d fd~~~仲有兩個我都識嫁~~係queenie同yonnie
仲有個,佢都有同我say hi...不過我好似未見過wor~~
唔通我又唔認得人@o@??.........
跟住baby同雷芝係咁望住佢地lor.....無奈.....~.~
食到咁上下小娜黎左,我同baby&劍青就走先
因為雷芝同小娜要傾功課~~我就上baby度諗住繼續爆research method
上到去,點知都係得個諗字=.=
因為我都冇send到個file去e-mail,一定要用學校d電腦先得
算,落左r7send之後再上去
上到去,發覺得睇唔到editor book既內容,做唔到=.=.......
再發現雷芝部腦係開唔到pdf file=__________________________=
激鬼氣,去左lib爆.......見到雷芝同小娜都仲搞緊佢地個present
原本以為我都只係差兩個reference都應該好快搞得掂
點知都再搞左成個幾鐘,十點半先ko佢
不過我都算快手喇~~小娜佢地搞個present都搞左好多日~~
我只係一日就ko,真係高效率<--其實唔高都唔得啦,都係迫出黎既jei.......
搞掂就上左baby房hea,冇耐雷芝都返左黎
因為lib都夠鐘close唔返唔得啦
佢就繼續佢既present我就同baby落去洗衫
點知勁多人洗,冇位......
咁我就返左上自己房沖涼~~~^^再等埋baby上黎幫手拎野去包湯圓~~~
原來baby唔識整野食嫁,勁大力咁搓d粉@o@
差d俾佢搓爛哂^^"......又唔識份量.....
我差d唔想俾佢整....因為勁驚冇得食!!!
不過整整下都ok wor,又放心左d
佢整果d好細粒,細過我果d少少啦~~
整下整下原來都十二點幾~~~baby話我地係三更半夜搓湯圓好似好奇怪咁
我就話都唔係三更之餃子,冇咩所謂啦
但佢話好似整緊d唔知咩咩人肉x燒包咁wor~~kaka
仲未煮wor~~三條友都feel到肚餓喇......
一點幾終於有得食喇~~yeah~~
d湯圓有d因為個皮唔係太平均,煮完好似餃子@o@|||
雷芝都差唔多搞掂佢個present,時間岩岩好~~~
食完湯圓,都幾好味~~下次再整~~~^o^
食完湯圓就想訓,突然雷芝話有人搵我??呆左咩事??
電話又冇響,又唔係有人係門口@o@???
原來佢係話我icq有人搵我^^"玩多陣icq就去訓喇
文章定位：
