難民營 you can find manying here~ welcome to manyings’ PChome

63愛的鼓勵 0訂閱站台

31/1/2005
今日返十一半至十二半
但係八半就起左身返房
因為今日要九點去到李作權整sales week既野
係r7見到pinki,佢要print埋d野先去
佢都叫我唔駛咁早去,因為冇人
咁我地就係度等r7開門啦
點知............pinki同水城講緊電話果陣.........
佢喊左出黎<---講真,我真係俾佢嚇一嚇
我諗佢係因為做sales week d野做得辛苦,又要俾人話
又或者佢呢掛心情都唔係太好咁啦
又唔知水城同佢講左d咩.....我淨係聽到pinki話水城唔信佢
咁樣佢就喊左出黎喇..............
借左陣膊頭俾佢.....我都唔知我可以做d咩
安慰下佢<--其實都只係叫左佢唔好喊.......
我又唔係太清楚發生緊咩事,都唔知講咩安慰佢好......平時我都已經唔多識安慰人嫁啦...........
過左幾分鐘啦,佢同水城講完電話
又好似冇咩事wor,咁又係既,唔通對住全世界喊咩
去到李作權,佢都已經冇咩事(表面上)
咁我地又要開始搞sales week既野喇
d舖頭人煩到你七彩,明明講好左得一張台同椅
又係度狂問有冇多d,以為帶多幾個人黎就要俾多張椅你坐咁
我地都係俾學校限住嫁
學校sa果邊又麻煩wor,俾唔足台我地
打去叫佢搬多幾張黎,又話d校工唔得閒,要我地自己搬
哼!哼!哼!真係食佢個屎呀
搞左好耐,終於可以安頓一下
水城同青華黎左幫手,不過佢地兩個勁搞事lor,係度發癲咁
十一點半就要上堂,但係遲左lor
有個booth既人自己走去拎左人地個booth張椅,激死>.<
去到個lab,個個係哂出面等,唔知等咩
我又見唔到lobo wor,佢一黎就問我做咩咁遲
我就話搞sales week既野,d人勁煩所以遲左
佢就話"咁大哂既咩"我呆左,咁就同佢講左聲"sorry"=.=
等埋佢契仔黎,我地又去左聯福上堂喇~~~~
今日係志城present,hea王之皇可以唔駛教書
開心死佢啦,我有睇書嫁
absolute vo2 max同body size係正比嫁嘛,所以有relative vo2 max
十二點七先放人走,等我miss左3個電話
又唔知邊個打黎wor,3字頭既電話????應該係學校既電話,但真係唔知邊個
唔敢打番去問
上到去sit count,又有問題喇
條banner掛左係兩個位中間-.-霸左人地個位......
又要再掛過......唉.........
搞掂哂都成點半喇
等埋洋蔥黎我就走喇~~去練波嘛
點知有人打黎話唔駛lu~~~yeah
出左旺角影証件相,要報大專,都拖左好耐喇......
之後返左hall訓覺,又係唔願起身
六點八先落jsc練波,又冇女仔喇.....=.=
pinki拎左d sales week既野俾我要星期三四派wor
星期四唔得閒wor....抽一陣去啦都要....唔係又俾人嘈...
練完波去左lib搵資料做功課,好耐未做過功課喇~~~
搵到自己想做既題目既資料,唯有做第二個題目啦
十點先去hall can買飯食~~~食完上左hall睇大長金
沖完涼又落左r7上網~~
都係時候訓喇