難民營 you can find manying here~ welcome to manyings’ PChome

63愛的鼓勵 0訂閱站台

23/1/2005
今朝五點到我當更....原本係當到六點嫁
但係冇人起身咁我就當到七點啦
佢地訓下又醒下咁,辛苦過我一覺訓天光既~~~
係當更既時候,因為我地一個人一更,冇野做
又凍wor,都唔想離開個睡袋,一個人坐係度無聊既時候
係我腦入面竟然有首歌,唔知點解......
竟然係phantom of the opera入面既一首歌
戲又冇睇過,但係就聽過首歌.....
Wishing you were somehow here again
Wishing you were somehow near
係我腦入面就係得呢兩句歌詞,之後果d唔記得歌詞,但記得個音lor
人都癲.....點會冇啦啦諗起呢首歌嫁.........
四周既環境靜到癲,又黑嘛嘛,加上首歌有d悲涼既感覺
成個人寒一寒......=.=
七點起身食早餐,但係我地大人冇人帶野食上山lor原來^^"
之後d仔兩個人一組去行山
每個instructor睇一組
佢地行好少路jei~~最緊要係睇下佢地識唔識行~~
我個組有個都幾醒目,有個就差少少
但係教一教都ok,唔似以前有d教極都唔識果d咁笨
果個就真係傻,琴晚一早就飲哂d水
今朝行山冇水飲,好在佢隊友有水借俾佢飲~~
佢個pack又重wor,加上唔多夠水佢飲
行到最後三分一路程佢就行得勁慢
仲要狂休息由原本第二組落後到第五組
真係唔得佢死.....行得咁慢,我又肚餓wor........
返到猴塘溪就食lunch
一人一個公仔麵,鯨魚果組好耐先番到,行錯路wor
又行得慢...celia跟著個難搞既仔
佢自以為自己大過人就醒過人,成日都扮哂野咁.......超不滿佢
食完lunch再d breifing左一陣就玩task
我地五個instructor扮傷者
佢地要係山上搵番我地出黎救我地落山
但係原來佢地係唔識急救嫁......=.=
係度將我地舞黎舞去,人都癲
由唔死得舞到死哂............好野
個個見我地傷哂又唔知點算好......個個企哂係度
d leader仲搞笑,完全唔知點,又唔知理得邊個好
呢個game佢地最終係玩唔到嫁.....
四點幾就冇野做等車黎
佢地去左執垃圾~~我地有d大人就係度吹吹水
架車明明book左四點,四點半都未見車
四點八先到.......上到車,個個都訓到死哂
去到九龍塘先醒起九工班仔係要返學校解散
但係個司機就話唔去九工嫁wor
咁我就同阿東同tony帶左班仔返學校先
有個仔竟然係度喊=.=話想早d返屋企wor.....
去到佢學校,見到阿媽先好d jar......撞鬼呀
等埋佢地搞掂d admin野先走人
返到hall已經係七點幾八點
明明六點前都返到hall........仲要用多左兩程車錢.........
返到hall煮飯食,睇左陣電視,洗埋衫
等洗衫中途訓左zzzzzzzzzzzzzz
一點幾先起身拎番d衫=.=
d衫就..........baby仲打黎問我去唔去食唔知咩蛋糕
眼訓到死既我就話唔去啦,訓下覺唔好~~
極速咁搞掂哂d衫就即刻死左落床zzzzzzzzzzzzzzzzzzzzzz