難民營 you can find manying here~ welcome to manyings’ PChome

63愛的鼓勵 0訂閱站台

16/1/2005
好在我星期五就磨左鞋先jei
琴晚眼訓到我爆,完全唔會去磨鞋
今日又一早八半要去到cwb.......
去到冇人wor,原來個個都遲到
好在去到黃竹坑冇遲jei
好耐冇見既方sir竟然出席wor~~難得難得
不過今日我係最大果個lor
話盡量黎既肥李sir唔知去左邊......唉
舊年都去過一次,係幫girl guide既名人競技做traffic control
去到,girl guide負責人已經俾左d lunch同tea既coupon俾我地
我地九點半到,十一點半食lunch
但係呢段期間係冇野做嫁lor=.=
只係十一點要on position.........
果六個仔就俾我點哂出去做野
我,方sir同董嘉恩就係看台睇袋
冇野做.....超無聊
只係間唔中出去睇下d仔做野做成點
就係咁,食完lunch我就係度等食tea
食tea果陣勁激氣
d仔突然返番黎,有個position得番一個仔係度
發癲,個instructor唔知咩事
休息又休得多過d仔,野又俾哂d仔做
叫佢三點半搵人過黎拎tea
佢就三點自己過左黎先>.<
搞到三點半d仔自己飛哂過黎食tea...........
仆佢個街一個超唔順眼既instructor,又縮骨又瀉膊
成鬼日俾著數自己個女....著數就拎到盡,野又唔多做......成日又自以為好醒
無啦啦又係度搞埋d爛gap,但又冇人想同佢講野
對住佢唔爆粗果個都唔係人
仲要我對住佢untill passing out parade......
驚住終有一日我真係忍唔住口著住套u都爆佢粗
食完tea就等收工......=.=
今日都幾凍下....成日都走去d陽間曬太陽
有時就無無聊聊去下toilet.......@o@無聊到癲
好在下晝有show睇,都叫冇咁悶
不過d show又係悶爆既
都全場最刺激既紀律部隊競賽先好睇d
消防係大熱既情況下羸成九十幾條街
無無聊聊到六點幾先走人........
宜家d仔真係唔掂
要早走又唔一早出聲wow,唔鬼理佢
要佢最早都五半先走得,最後佢係打左俾佢阿爸話要遲d到~~
佢都好d,預早左話我地知佢要早走
另外一個女就離哂大譜
竟然大無私樣咁係度傾電話,shit
仲係四點半先話我知佢要即刻走
怒火上升,一早就寫住係六點放
佢又話冇睇,算!問佢有冇問人又冇問
死低b,唔知幾點放又走去約人
冇可能俾佢走啦
問佢咩事,佢話約左阿媽係旺角食飯
佢都癲嫁,當我傻既咩,有鬼人會約五點去食飯先得嫁
叫佢同阿媽講遲d先去,佢又話唔得wor,咩叫唔得呀
我就係唔俾你走呀,吹b呀
我叫佢俾佢阿媽電話我,等我同佢阿媽講今日個service寫明係六點先走
佢即刻話唔駛,d態度仲要激差
一定唔係約左阿媽,加上佢成日都係咁傾電話
話唔係約fd我都唔信
返到hall又冇野做,又係度無聊,又冇得上網...........
總括黎講今日係悶到抽筋..........