難民營 you can find manying here~ welcome to manyings’ PChome

63愛的鼓勵 0訂閱站台

10/1/2005
今日八點鐘就拎埋野去食早餐
琴既訓得勁唔好,皆因我唔知乜事勁肚痛
仲痾左一獲金既tim>.<
差d想嘔埋
唔知係咪食完野d野未消化就訓既關係呢..........
係訓下醒下既情況下捱到今朝
仲話今朝大網仔爆左水管,冇水用tim........
面又冇得洗.......勁黑仔wor
好在一行出去個人活動下就冇咩事
唔係我都唔知點去行山
食完早餐都搞左一大輪先走
十點九先起程去行
起程之前打電話去備案,點知發覺西貢警署係冇人聽電話嫁=.=
都唔知係電話公司俾錯電話定西貢警署d人未返工..........
一於唔理,行左先算,最後係打左去馬鞍山警署備案嫁
今日既路程係行上雷打石再落嶂上
睇地圖,個距離只係四五k左右jei
唔知點解plan左要行成日
我地一黎就行左去人地條村度,再行番出馬路去坪敦村
再上山,上左山冇耐就食lunch@o@???
係wor,十一點半就食lunch喇
姍姍唔舒服呀,我諗係好似我琴晚既情況咁.......
佢冇咩胃口食野,又痾左次
騏哥都已經幫佢拎左個袋
未入山路之前我地都分左佢d野嫁喇
點知佢都係頂唔順,唔緊要我地有既係力~~~
食完lunch就再繼續上
wow~~條路斜到呢,個個都行到死死下
個ankle joint一落地就keep住係flexion,係咁拉住條小腿
行到上個山丘仔,只係用左幾個字既時間
又有得休息~~~都幾大風下,而且空氣都幾污染下
冇咩風景睇..........一點幾就行到上雷打石
今次抖左激耐,好似係兩點幾先再行落山
姍姍既病情嚴重左......
行番落山既時候,佢突然蹲低左,以為佢有事
好在佢只係因為覺得凍先蹲低^^"
我同阿欣阿祺幫佢頂風,抖左好耐佢先叫做好番d
雖然我地係山都抖左好耐下
不過我地都跟得番前面,因為條路有成七十幾度(我估)
大家都係落得好慢,成四點先落哂所有人@o@
落完山又休息~~~係我地傾左好耐之下
姍姍決定走人去睇醫生
咁我地羚羊組就兵分兩路
阿欣同水城陪姍姍落山,我同騏哥震宇同阿祺就繼續行
佢地三個輪流拎阿欣同水城個袋,勁野~~~
行到去嶂上係四點幾
我地四個就極速起營同洗左d野食
五點幾已經煮野食,其他組都仲未起好d營^o^
六點幾阿欣同水城都返到~~
唔知等左幾耐,我地就開始食我地既dinner
我地係最快既一組食得^^
我地既dinner有紅米飯,沙嗲煲,麵鼓湯,咖喱飯同葡汁西蘭花炒魚條
正,勁大煲飯以為食唔哂,但又清得到wor~~~
洗哂d煲就煮糖水食^^等緊既時候仲飲左d紅酒
震宇同騏哥都話我地係豪華團呀!!
我地搞掂哂d野就周圍咁走,睇下其他組搞緊d咩
好多都係岩岩開始食野,但我地就飽飽lu~~~:p
大家都差唔多食完野既時候lobo提議玩camp fire
d男仔執左d柴黎燒
我就去撘好佢黎起火,andrew有白電油
所以勁快就起到個火,不過起火既時候都幾驚,d火boom一聲咁飛出黎
差d俾佢燒到@.@|||
大家玩camp fire玩得勁開心
最後係排生日,原來其汝今日生日
唱左生日歌俾佢聽
玩完之後就散lu
十點幾,冇野做去左營入面訓
諗住訓嫁喇,不過同阿欣係度傾計
傾下傾下,唔覺就十二點幾@o@
都係訓喇,好在今晚唔算太凍,應該會幾好訓