Mani’s ... ...My idle life...

9愛的鼓勵 0訂閱站台

7點幾起身, 刷牙洗面, 換埋衫, 就去煲水啦.
我好耐都冇食過熱騰騰ge早餐啦, 淥杯面!!
一邊食一邊睇電視, haha... 食晒就攞住d交通死溫.
溫到咁上下就起行, 行到去個度o岩o岩9點, 唔遲唔早.
考9點3, 呢3個字裡面我都有dd驚, 諗緊個電視一陣會有我個名, wao~
有個女仔要考話好驚唔識, 陪住佢ge男朋友就話驚咩呀咁易乜乜乜乜.
呢刻我覺得自己好獨立, 見住個女仔越係話驚我就越覺得自己唔驚.
讀名入去, 有個女人坐左我個位, 跟住又有另外一個女仔對我笑...
雖然我唔識佢, 但都用左一個有禮貌ge微笑回應佢.
我一入到去就唔驚, 因為我覺得touch mon好好玩, haha~
30題, 我最擔心會錯ge都係符號, 因為d答案好似差唔多...
用左15mins, 做完覆左2次卷, 走人. 出到去望住個電視...
鍾曉雯, pass. 呵呵, 好似傻左咁自己一個笑. 跟住就去print自己張野黎睇.
答錯0題, yes!!! 你地冇得恥笑我!! 即時sd個sms俾阿男朋友知會一聲.
然後打俾幾個人玩下野, 中招ge只得家姐, 家姐你怎可以相信我會fail.
9點半多d je, 都趕唔切返第一堂, 慢慢坐11號返umac.
返到去先知阿chlo唔舒服冇返學, 又有d同學仔問我考成點...
但佢地知我係考交通之後居然”超”我, 膚淺呀你地!!
交通唔pass點考落去呀, 超!!!
自己一個上port., 好悶. 自己一個食飯, 又好悶, 所以我要食好多野.
飯, 薯片, 愉快動物餅, 檸檬茶. 咁先可以平息到我ge悶氣.
玩左一陣小電就去上ling., 呢個女人真係痴下痴下, 咩machines hate me~~

放左學就搭車返工去, 今日返工真係好無奈.
我好好人咁以自己個名幫一個北京奧運展女同事買飛, 到時有飛仲要寄返俾佢.
依家諗返覺得... 點解我會幫佢. 男朋友問我個女人有冇請我食野, 冇wor.
佢連野食都冇請我食, 我做咩會幫佢ga, 可能真係助人為快樂之本啦呢回.
放工我就去大偉剔名, 技術要排到去下年2月, 真係可以再耐d.
買左d蛋撻同冬甩就返屋企lu, 媽咪係電話度話賀我pass左食雞.
點知係斬料, 除左我自己滾返d湯係熱ge之外, 全部野都凍冰冰...
又話賀我, 又唔等埋我食飯, 但我都將所有餸清晒.
休息一陣沖埋涼, 阿男朋友就搵左我出去食宵夜, 飽飽地食個糖水就夠.