Luv GOD* >> Monkubi 部落格 ◎這小小的空間__包含著我的__喜與悲__亦帶著__對我來說是重要的人與事_一切都很想好好去珍惜◎

73愛的鼓勵 0訂閱站台

2007年11月24日,晴 (25 號補回)

峰~好多謝你比左個咁開心既夜晚我...
我從來都冇一次認認真真咁叫你個名...

係未見面之前...你說你鍾意我...
msn 同傾電話之間...我對你有了好感...並沒有話好鍾意果隻...
在今日..終於要見面啦...我返完團契就即刻去尖沙咀海港城....
約左 8:00 見...因為我依個路痴唔識路...行左好耐先到...
果時已經遲左...我即刻 send 果 message 比佢...但係又冇回覆...
心諗...唔通佢嬲左我...所以行得更快...終於到左啦....
但係唔見有人...所以我打比佢...而電話好快就收左線....
咁我又諗...唔通佢想睇下我係咩面...所以離遠打黎...
見唔好樣既就走先...當佢話仲係公司果陣...
我好唔開心...唔通真係比我估中左...佢唔想見到我...
但係諗諗下..佢可能真係在公司做緊野呢...而佢又叫我等佢...
我應該相信佢既...始於做野緊要嘛...
所以我係唔熟識既海港城內由 1 樓至 4 樓...再由 4 樓行返落 1 樓...
直到行到 9:00 鐘...我真係有想喊既衝動...
突然收到佢電話...話黎緊...我真係好開心....
我好期待見到佢....
終於我地係 3 樓的香港唱片裡見面....

我第一個感覺就係...我配你唔起....
所以我一直都唔多敢望你...你好靚仔...比我想像中還要好...
而我都可以著得高跟鞋...因為佢都好高...

今次見面..其實係睇戲的...咁因為仲未到時間...
咁我地就去左 M 記食野...跟住先去戲院...其實我唔識路行
返戲院...我環著他的手臂行...好緊張...其實你打我...
我係唔痛架...哈哈..你咁輕手...=]

到左戲院...一黎我想睇戲..二黎..我一直都望著佢...
因為我想望多佢幾眼...我好驚再冇下次...
你突然拖著我的手..你問我做咩成個身咁震..咁因為我真係好緊張嘛...
但又好開心...另外...我其實唔係想拒絕你..我從未試過有咁既感覺...
我唔識有ｄ咩反應...只係知我好鍾意你咁...
當我依靠著你時...我覺得好舒服...你將我攬緊...我好鍾意依種感覺...
嘻嘻....=] 咁套戲都好好睇...多謝你呀...
直到睇完戲...都成 12:00幾...咁你送我去火車站...
其實途中...我真係好希望你會好似戲院內會再拖著我隻手架...
但係...不過算啦...你比我環住你手臂我都好開心...=]
果晚...我好掛住佢...但唔敢打比你...
知你都累了..而且又唔舒服...當時都 1:00 幾啦...
所以 send 左 message 比佢就睡了...

今日 25/11...
我好想打比佢...但係我冇咁做到....
話哂星期日...佢都有自己的私人時間嘛...我唔想比佢覺得我煩...
就係依一刻...我知...我自己已經鍾意左佢...但係...
我知我已經錯過左...我覺得佢之前既女朋友一定係好可愛..好靚...
而我又咁咩...我對自己冇信心...我諗佢唔會再對我有任何感覺啦....
我今日特登買番佢送比我果粒咖啡粒...
再去 M 記飲回那碗湯...好想再次記回那些回憶...

呀~~~~~~~好煩呀....
我都唔知自己可以做到ｄ咩....
我真係好掛住佢呀....