Luv GOD* >> Monkubi 部落格 ◎這小小的空間__包含著我的__喜與悲__亦帶著__對我來說是重要的人與事_一切都很想好好去珍惜◎

73愛的鼓勵 0訂閱站台

之前提過...
我鍾意過既男仔 (代號~ｂ君) 生日....
ｂ君...25 號約我 29 號想去唱 lunch k
慶祝生日...而我都應承左....
但係係 27 號...我去見工....
而且仲請左我...要我 29 號返工....
我開心得一口答應....
後來特然諗番起ｂ君生日....
即 send 個 message 比他....
他很好...說不緊要...叫我比心機....

咁 29 號返工啦....
我覺得好開心....
工作又應付到...我 2 個姐又對我好....
雖然依份係短期合約既工....
但我有諗過長做....

我由開心至不開心....
本來有份工做....
過左幾日就比人炒左....
而且理由好無理....

果日真係好唔開心....
我又比人炒左啦....
我真係一路打比媽咪....
一路喊...
好彩有媽咪...教會既鄭姑娘...仲有他呀....
心情好番好多啦....我問神....點解要係我....???
點解我既人生會係咁...??
果晚媽咪同我講...原來她老公...即我老豆同我既人生都係咁....
都唔知係唔係他遺傳比我架??? (笑)

過左幾日....
係4/4/07 夜既 11 點幾ｂ君打比我....
奇怪啦?? 咁夜打比我咩事呢??
原來係補番他生日....
時間和人物同地點都係一樣....
我都一口答應....(今次唔會反口啦....)

到左今日 4/5/07....
屋企有些事遲左去....
而我驚他到左...就send 過 message....
原來他都遲左...哈哈哈~~^^
於是就改左去油麻地....

滿心期待...我就早到左....
見他未到...見到地鐵內有一些小學生圖畫....
畫得好可愛....
等左一陣...見到ｂ君來了....

我心裡......~嘩~左一聲....
比起 4 年前仲咩型左...靚仔左咁多....
打扮比以前型左...好睇左....
我知自己怕羞起來....
唔多敢望他....
好似聞到小小香水味...(係我鍾意既味)
同我 4 年前第一眼見到好唔同....
但係感覺一樣...好強烈....

行行下去到 N 記唱 lunch k (30 號房)....
我仲以為有成班 fd 一齊唱....
估唔到得我同他...
唱左好多歌....
有合唱...(我敏感....開唔到聲...唱得唔好...)
獨唱...(他雖然唔係話甚麼甚麼大歌星...但真的很好....還說自己唱得不好....)
我全場都為他打氣...有刻靜靜的看著他唱歌....
看著他好比心機去唱...好有表情....
唔知點解我有種幸福感覺...!!!! (我是傻瓜!!)
我仲靜靜雞錄起他唱余文樂~司機一小段....
哈哈~~^^

唱完行左一陣街....
去左~潮流特區~走走....
他想睇波鞋...就同他去左~波鞋街~....

睇完就送我搭火車....
他驚我唔試路....仲教我點行....
行到大車站 (近新世紀廣埸)....
他說搭巴士....唔送過去啦....
說過再見後...他轉身走....

我站著原位....
靜靜地看著他的背影離我越來越遠....
唔知點解會有種失落既感覺....


係唔捨得?? 係唔想結束?? 定係....??
我唔知...我唔想諗....



幾年前...被他拒絕....
那 messgae 還在我手機....
我知我冇可能再鍾意他了....
我知他只當我係朋友....


只希望他開心...幸福.......
我就好....