自己人呀~~＠夢一場｜PChome Online 個人新聞台

2006-05-01 02:04:59| 人氣228| 回應0 | 上一篇 | 下一篇

自己人呀~~

推薦 0 收藏 0 轉貼0 訂閱站台

今日係family day,放左工之後就返爸爸鋪頭,等埋媽咪同細佬,一齊去食野~

我地一家去左常去既琑仔疊記食牛腩河~正~

席間講起我部舊車既去留問題,

我:”阿貞(我女友)想買我部車喎...”
媽:”係咩?”
我:”咁賣幾錢呀?”
媽:”你問爸爸啦,車行收幾多咪幾多囉”
爸:”咩呀,邊個買”
媽:”佢個朋友喎”
爸:”邊個朋友?”
媽:”阿XXX囉~”(女友全名不能在此透露,不便之處,敬請見諒)
爸:”哦~[自己人],收平D都無所謂......”
我:”.........”

好啦,故事講到哩度~~

我係超開心呀!!! 我同爸爸從來都唔會講有關女友既事,

雖然佢應該知道我係LES,同女仔拍拖,但咁多年黎佢一直都冇表現過反對或者支持,

對我係完全採取放任政策...所以我一直唔敢同佢COME OUT..

相反,一向都囉囉唆唆而且好大反應既媽咪,我一早就講左,仲鬧左幾次交...

我都差D因為咁而唔繼續讀書....好好彩,佢最終都接受左..

我好記得幾年前失戀,我真係好唔掂...好似成個人冇左靈魂咁..

曾經諗過suicide,係媽咪同屋企人支持我...為左佢地,我企返起身....

而家連爸爸都講出一句咁既說話...我覺得...我好幸福...

我知道有好多LES既朋友都要隱瞞自己,開心唔開心都唔可以同屋企講.所以我好慶幸

自己有個咁支持我既屋企!!!

一句”自己人”真係令我好鼓舞~~~

我要檢舉

#自己人#come out

台長：獅子王mamio

您可能對以下文章有興趣

新成員

可恨的颱風天

奠

你是我的永遠

人氣(228) | 回應(0)| 推薦 (0)| 收藏 (0)| 轉寄
全站分類: 彩虹同志(同志心情、資訊) | 個人分類: 家人 |
此分類下一篇:疲倦心煩氣燥
此分類上一篇:天妹~牛一好~

回應(0)