年初六喇...仲未捨得正正常常起身...不過估唔到...
夜晚收完檔就搭車過左荔枝角, 同Vicky係屋企附近食上海野, 食到九點左右就上左佢屋企吹水喇, 不停聽佢呻呻呻...我自己又呻下我既...唔經唔覺就吹到十一點半 = ="
唔該晒佢老遠地送番我去搭巴士, 不過問題又黎喇 f(=_________=") 唔係第一次...係巴士站等車都冇事...但係一上車...就黎料喇! 個人開始好唔自在, 好吸引既書一睇就想暈, 搽左油仍然好想嘔, 個肚不停攪好痛, 過左好耐好耐...靠住唯一既意志力返到屋企, 一入門口就痾到腳都軟埋喇 /_
唔知可以點解釋, 上次係咁...但係就係得我一個出事, 即係唔關食左的咩啦. 而今次都已經過左食飯時間成三個幾鐘, 最大問題係上左車就有事...我真係唔知點解 = ="""
+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_+
痾完喇...攤晒喇...攪掂晒喇...成點半喇...就真係好應該去訓覺...不過忍唔住手...打開左本哈利波特 - 混血王子的背叛...
等左好耐終於拎到本書...為左追回之前失去左既時間...一分鐘都唔想浪費...由點半鐘開始...冇停過...一口氣...睇到今朝八點...睇晒喇
睇完喇...好震撼...唔明白作者既用意...好多好重要既人可以死...冇必要係佢. 當然佢既死可以刺激書既銷量同吸引讀者買下一集, 但係睇到之後個人好失落, 覺得好似有的咩野係冇左咁...亦因為個心放唔開...到最後諗到九點先訓 = =
人愈大...就要去面對愈艱難既任務...雖然哈利既第六感係好討厭...但係到最後...我相信會一一應驗佢所想既...
而我由最初話就黎返工...要早的訓...到今朝真係好"早"訓既時候...我知道...就算新既一年...我都仲係一隻烏鴉
文章定位：
