其實真係唔知我同佢可以點......
星期六 - 足足成個星期無見過佢, 我開始會識去掛住佢喇!
我好自然又扮晒野咁搵佢啦, 佢差唔多收工都有打番俾我. 不過現實係殘酷既, 當我收工打俾佢想搵佢出去既時候, 佢居然返到屋企喇. 咁算啦, 連個天都玩我喇.
星期日 - 估唔到......佢一個電話都冇打番俾我, 足足等到夜晚都係無.
本來好想打俾佢, 但係再打有咩意思呢??!!
我不停咁去搵佢, 但係佢好似一的反應都無, 我覺得我自己好似自作多情!
唯一可以令我停止再去空等既當然係出去飲酒, 係...無疑飲酒係無補於事...(仲要最後見到的唔係好想見到既人) 但係一個心死的情況下, 唔去, 我只會把情況想得更差.
好失落...已經決定放棄佢...
飲完一場, 朋友話可唔可以陪佢去下場再飲多一陣, 既然已經放棄左佢, 去邊有咩所謂呢, 當然奉陪到底啦.
星期一零晨 - 12:00正, 當咩都放棄晒, 唔再去諗既時候, 佢打黎......
佢同我講佢星期六返到屋企食完藥之後就大昏迷, 除左下晝個朋友上去嘈醒佢睇左隻碟, 佢都係得個訓字. 唔理佢解釋定掩飾啦, 我都受晒架喇 ^o^
同佢傾左一陣, 佢知我仲係街, 就成日叫我收線, 我已經不停話唔阻, 到最後都係收左線.
唯有同的朋友繼續玩啦, 突然jessie問我食唔食野, 我話: 唔喇, 跟住佢話: 係既, 食左成擔糖啦...都飽喇.
( 我個樣有咁明顯咩 >"< )
跟住佢又話我, 坐立不安就打番俾人啦, 咁佢叫我收線嘛, 收左仲打俾佢做咩喎, 跟住佢即刻鬧我 "死蠢", 佢唔舒服打俾你, 你唔係真係咁天真呀, 打番俾佢, 佢咪會好開心囉..........又係喎 ^^"
最後當然有打番俾佢啦, 不過因為仲係街, 佢都趕左我三次叫我番入去, 不過我都係無理佢...同佢傾左差唔多半個鐘添...嘻嘻......^O^
文章定位：
