係今個星期二,我又去搵曉屏學長幫我拔牙,原本唸住國考完佐又或者係等另一
邊傷口好返先去拔架~
但係我健保卡六月三十日就到期~~係醫院拔一隻智齒5,6千蚊台幣,有健保ge話
我只係比十蚊雞台幣咋~~所以咪唸住拿拿淋去拔埋另一邊ge兩隻lo~~
的起心肝去拔,因為上次博智學長都冇幫我拔到面腫...所以我今次又照曉屏學
長ge安排放心比博智學長拔多次~
今次拔呢隻牙真係幾經波拆架~
第一,就係我上次照ge pano 搵唔返,護士小姐就同我講可能係健保局收佐...
第二,博智學長叫我照張小的X-ray後,叫佐另一個實習醫生幫我上下牙齒都
麻醉完後,博智學長看了X-RAY後突然叫了一聲,你都沒有智齒,幹嗎要拔,他問
我,你確定你還有牙齒嗎?我說有呀~上次曉屏學長才幫我看過那張PANO都有的~
博智學長係都唔放心叫實習的學長帶我去照多次PANO~
真係要命,係打完麻醉後,居然要我企係度照?
因為學長要幫我調角度,麻醉佐之後,個嘴冇晒FEEL,個口又要咬住支野,D口水係咁流係咁流,同學長面對面距離又有D近,害我好尷尬,學長問:"你怎麼了!"
我唔好意思同學長講:我隻腳抖得好厲害,企唔穩,同埋口水係咁流~所以我冇開
聲,只係同佢講冇事~~嗚~~其實我好有事~~戈一剎那,我終於體會到白金森氏症
病人ge痛苦~
Pano出黎啦~博智學長一睇就講:牙齒真係係度bo~不過你今次呢兩顆好難拔,而
且今次拔完之後一定會腫~
我:"唔係掛~不要!"學長係咪開玩笑的~~唔埋la都麻醉佐啦~點都要拔~~
就係博智學長幫我拔佐超過十分鐘都未拔出黎之後,我就好後悔~
越拔得耐,我感覺到越黎越痛~我個嘴都係因為咁樣所以冇力再張咁大啦~~越黎
越細,學長就話:學妹,你嘴巴張咁細,我地真係好難幫你拔~又因為越黎越痛,所
以我忍唔住張自己隻手伸出黎,想捉住學長隻手,但學長又話,隻手唔好伸上黎,
呢度係冇菌區~~
我好無奈~好想放棄,但學長鼓勵我,於是我痛到喊~因為好掉假,所以唔敢喊出
聲,雖然我有塊布遮住我塊臉,但係都被學長發現我係度喊,我唸係因為我喊到透
唔到氣,胸部起伏過於太大,所以被發現掛~~
於是實習的學長,就一邊幫我suction,一邊用手輕輕拍我肩膀,安慰我~
拔佐三十分鐘,終於將右邊上面ge智齒拔佐,但今次好唔同,上次拔上面都唔洗縫
線,但今次要~原本要拔今次要一齊拔ge下面戈顆智齒,我叫學長唔好拔啦~因為
我受不了~學長都好了解~同我講:唔好拔啦~比佢休息...
拔完出黎,博智學長同我解釋,今次拔咁耐ge原因,因為我牙齒生得好深,仲有好大顆~
博智學長走佐之後,得返實習醫生同我,同我講辛苦你了~不要哭,你要不要把牙
齒拿回去作個留念,我說:好!
係呢一刻:覺得實習醫生ge關心,比到好多溫暖比我~ :> ,我都笑翻~
(今次ge經歷讓我體會到課堂上,所學ge關懷病人係幾咁重要~係適合ge地方,時
候,給予病人適當ge安撫,哈哈~不過唔係叫我地有機會亂咁摸bo~)
係臨走之前,博智學長仲送佐一個reuse ge冰敷袋比我添~~
第二日下晝,我收到主治醫生曉屏學長打黎ge電話,嚇佐我一跳,佢點解知我電話
ge,我淋佢係問團契ge輔導掛,收到一個平時忙到天旋地轉ge醫生打黎ge電話,我
ge痛又算得係咩丫~曉屏學長問:學妹,你今天有腫嗎?我說有,昨天晚上吃了止痛
藥還是痛得睡不著~那你有發燒嗎?回答說:沒有!那你要冰敷多一點喔~有呀!現
在昨天跟你講電話都有~昨天博智學長送了一個冰敷袋給我~
曉屏學長係收線之前仲提醒我:如果發燒超過38度,要趕快來醫院~因為我怕你感
染~點知!我連續兩晚發燒超過37度,但食佐藥又冇事~所以我唔洗走多轉醫院~~
呢幾日腫得好犀利,搞到係學校出出入入都要戴住個口罩,個個人都問,慕x你感
冒了嗎~害我都不好意思的跟他們說~因為我拔智齒後腫了一塊~~ ^^
p.s:昕,知你好想快d睇我戈隻你所謂ge四根智齒,但我又唔想只係放張相上黎,
我想打多篇拔牙記3訴下苦水~但係又因為呢幾日好唔舒服,又痛,所以我等到今
日有d心情先打好篇野佢~出爐啦~麥我隻牙真係好大咩,係咪真係有四隻腳?
四根嗎?
左邊臉腫了一圈~~鳴鳴~~
文章定位：
人氣(235) | 回應(4)| 推薦 (
0)| 收藏 (
0)|
轉寄
全站分類:
不分類
