the Ｓunrise _yan 參與。見證

2愛的鼓勵 0訂閱站台

爸爸話將屋企隻龜龜拎左去放生，因為龜龜隻眼有嚴重ge白內障，睇吾到野。

跟住我走左露台，裝住隻龜ge箱已經洗干淨，反返轉係度等晾乾。

嗰一刻，我忍吾住又喊。個感覺真係真係好似幾年前爸爸同我講ar叔死左咁。吳結華講得好啱，放隻龜去菩提園，咪即係等於送佢去死。其實講件事俾吳結華聽嗰陣，我就已經好down，好想喊，聽到佢咁講之後，我更加難過，雖然佢只係一隻龜，但係，住左係屋企咁多年，雖然我淨係每日晾3嗰陣會望佢一眼，但係，忽然間無左，我真係覺得唔知點咁。好掛住隻龜......

爸爸知我吾開心，話買過隻返黎養。但係我叫佢吾好再買。我真係唔想養養下又唔知佢病定點又或者養死左佢，我唔中意分離嗰種感覺，好憎呢種感覺，所以到e家，我都無拎返砵砵返屋企養，萬一我養死左佢，真係唔知點算。

coco死左na.... 俾麗麗放係陽台度暴曬，曬死左。coco真係好得2架..... 但就俾個無心肝ge主人令到佢白白咁死左，我以後都吾會俾小動物你養，麗麗。

 

希望龜龜係菩提園唔會餓親~

菩薩，你要保佑龜龜啊 !