力宏台報導 leehom news ※《火力全開》巡迴演唱會進行中 現已有售:- ※專輯 - 王力宏《火力全開》 ※王力宏08/09年Music Man世界巡迴演唱會DVD

4,274愛的鼓勵 1訂閱站台

王 力 宏 說 ， 他 的 新 唱 片 會 在 九 月 推 出 ， 最 怕 是 有 盜 版 。 擔 心 老 翻 影 響 銷 路 當 然 可 以 理 解 ， 諷 刺 是 他 偏 偏 遇 上 與 自 己 外 形 路 線 相 類 同 的 人 形 翻 版 陳 司 翰 ， 還 要 簽 埋 同 一 經 理 人 鍾 珍 。
外 界 指 陳 司 翰 勁 似 自 己 ， 經 理 人 厚 此 薄 彼 而 與 鍾 珍 鬧 不 快 ， 王 力 宏 氣 定 神 閒 說 ： 「 觀 眾 話 我 似 雙 胞 胎 都 無 所 謂 ， 因 為 根 本 唔 同 ， 做 好 自 己 最 緊 要 。 」 他 更 矢 言 與 鍾 珍 關 係 未 變 。
雖 然 口 說 不 介 意 ， 王 力 宏 卻 刻 意 留 長 髮 改 形 象 避 陳 司 翰 ， 更 擺 明 車 馬 說 ： 「 無 計 劃 幾 時 再 拍 電 影 。 」 有 意 無 意 間 暗 示 與 鍾 珍 的 經 理 人 關 係 名 存 實 亡 。

對 於 外 界 將 他 與 陳 司 翰 互 相 比 較 ， 王 力 宏 表 示 不 介 意 ， 更 一 再 強 調 鍾 珍 只 是 他 電 影 方 面 的 經 理 人 。 事 實 上 ， 他 今 年 初 已 在 台 灣 簽 了 經 理 人 陳 香 君 ， 負 責 他 唱 片 、 廣 告 、 演 唱 會 及 一 切 電 影 以 外 的 工 作 安 排 。
「 我 同 鍾 珍 其 實 幾 好 朋 友 ， 依 家 都 好 熟 ， 同 Kelly 都 係 ， 所 以 佢 （ 鍾 珍 ） 想 簽 邊 個 ， 我 都 非 常 尊 重 。 佢 幫 我 好 多 ， 我 香 港 一 個 導 演 都 唔 識 ， 佢 介 紹 好 多 人 俾 我 識 。
「 一 直 以 來 ， 鍾 珍 只 係 我 香 港 電 影 經 理 人 ， 因 為 佢 好 好 人 ， 以 前 發 生 乜 事 ， 都 會 出 幫 我 講 。 」

近 日 回 港 宣 傳 的 王 力 宏 ， 形 象 一 百 八 十 度 改 變 ， 除 了 忽 然 減 磅 ， 更 留 長 髮 改 形 象 。
「 我 一 直 在 錄 音 室 做 歌 ， 都 無 機 會 睇 自 己 樣 ， 唔 知 自 己 瘦 ， 都 無 磅 過 ， 頭 髮 長 都 係 因 為 無 時 間 剪 。 」
總 之 ， 一 切 都 只 因 巧 合 ， 不 過 問 他 對 陳 司 翰 的 印 象 如 何 時 ， 他 便 不 作 直 接 評 論 。
「 我 無 聽 過 佢 歌 ， 未 見 過 佢 ， 對 佢 印 象 ， 都 係 報 紙 見 到 。 好 似 話 佢 似 我 ， 實 際 上 ， 我 覺 得 唔 似 ， 可 能 係 因 為 佢 出 ， 大 家 對 佢 唔 熟 ， 係 話 題 ！ 」

拍 戲 無 期

姑 勿 論 王 力 宏 跟 鍾 珍 合 約 是 否 有 變 ， 但 提 到 合 約 年 期 ， 王 力 宏 竟 然 失 憶 說 ： 「 唔 清 楚 ！ 」 更 向 記 者 透 露 ， 現 在 會 以 音 樂 為 重 ， 除 了 九 月 全 亞 洲 發 行 新 碟 ， 更 計 劃 年 底 在 港 開 演 唱 會 ； 至 於 電 影 工 作 ， 他 的 反 應 充 滿 弦 外 之 音 ： 「 無 計 劃 幾 時 再 拍 電 影 。 」
一 個 撻 兩 份 食 ， 王 力 宏 究 竟 全 不 介 意 抑 或 口 不 對 心 ， 一 看 便 知 。

人 有 相 似

九 九 年 以 外 勞 身 分 登 陸 香 港 樂 壇 的 王 力 宏 ， 發 展 一 直 平 平 ， 直 至 二 千 年 二 月 簽 約 鍾 珍 （ 陳 慧 琳 經 理 人 ） ， 事 業 才 見 突 破 ， 今 年 初 更 入 圍 TVB 《 勁 歌 金 曲 頒 獎 禮 》 五 強 之 列 ， 參 演 的 電 影 《 雷 霆 戰 警 》 入 圍 香 港 電 影 金 像 獎 「 最 佳 新 演 員 」 候 選 名 單 ， 前 景 本 來 一 片 美 好 ， 卻 因 與 Rosemary 鬧 緋 聞 大 受 影 響 。 鍾 珍 在 今 年 初 更 正 式 做 埋 Kelly 細 佬 經 理 人 ， 實 行 親 上 加 親 。

from 壹 周 刊
(12)