力宏台報導 leehom news ※《火力全開》巡迴演唱會進行中 現已有售:- ※專輯 - 王力宏《火力全開》 ※王力宏08/09年Music Man世界巡迴演唱會DVD

4,274愛的鼓勵 1訂閱站台

smart buy --- 13-12-00

教您做個 ... 精明消費者

好多人都自認係精明o既消費者一族 , 其實點樣先算係精明o既消費者呢 ? 識捐窿捐罅買平野 ? 抑或買野之前總會唸過度過 ? 使乜胡亂猜度 , 一大個「人辦」就企係眼前 , 佢之唔係王力宏囉 , 今期 Smart Tips 專程搵佢講o下「精明消費」呢題目 , 平日亂咁花錢o既消費者就要學野啦 !

小記 : 您係咪一個精打細算o既人呢 ?
力宏 : 我覺得係架 , 因為我平日買親野都會周圍格o下價先 , 又唔鐘意買貴野 , 買親返屋企o既都係廉價又實用o既物品 , 好似買部電腦我都會周圍問o下朋友o既意見 , 同埋四圍格價。至於平時唔使開工我就最鐘意逛 Supermarket , 因為產品又實用又抵買。

小記 : 真係一o的貴野都唔會買 ?
力宏 : 又唔燧完全唔買 , 偶然都會買o的貴價貨 , 好似時裝咁 , 因為工作上需要都會買o的。不過係買之前我都會好小心咁選擇 , 除左睇款式之外 , 重會留詫衣料o既質素。

小記 : 有冇一o的購物貼士可以提醒讀者 ?
力宏 : 我健議讀者多o的留意最新o既購物資訊例如睇報紙電視雜誌等 , 尤其係買貴價o既電器產品因為水貨充斥市場 , 冇番咁上下知道都唔曉得分辨真假。我自己奕係一個 八掛 o既消費者 , 好似以前打算買車 , 竟花左好多時間睇 二手 guide , 比較各款型號 car o既價錢及最新市價 !

後記 : 睇完力宏我人醒o既精明消費貼士後 , 以後買野就可以慳番唔少啦 ~


王力宏工作中度聖誕

今期 SmartBuy 聖誕加碼 , 好想搵個唔係經常係香港度聖誕o既藝人或歌星做訪問 , 睇下佢過o既聖誕有乜唔同 , 正商議誰是適合人選之際 , 公司眾女同事唔知搞乜鬼咁齊心 , 異口同聲話搵王力宏 ~ 咁又難怪o既 , 王力宏又靚仔又有才華 , 但係佢咁忙 , 好驚冇期比我地影相喎 ~ 但為左唔想令各女同事失望都係要奮力一試 , 點知佢經理人好爽快咁應承 , 搞到大家o既情緒都非常高漲 。相信王力宏
o既 fans 都好想知佢今個聖誕點樣過 ? 想知就唔好錯過 ~


今個聖誕要開工 .....

王力宏經常香港 , 美國 , 台灣三地兩邊走 , 今個聖誕唔知佢會係邊度過呢 ? 「隕計今個聖誕及新年會係香港度過 , 不過假期已被排得密密麻麻o既工作填滿哂 , 可以冇時間玩 , 但無論如何我也會盡量抽時間出來玩玩 . 鬆一鬆。」王力宏近排正忙著為佢o既最新廣東 EP 大碟作宣傳 , 又要出席新戲 o既首映禮 , 接著又要飛去馬來西亞做宣傳 , 完哂o個邊o既工作先會返香港 , 真係忙得不得了 , 希望佢真係有時間可以休息 !


係香港過聖誕印象最深刻 ........

係美國 L.A 長大 , 然後再到台灣發展 , 王力宏一定試過係唔同O既地方詔聖誕唔知邊度O既聖誕最難忘 ? 「其他係邊度過都唔係咁緊要 , 最重要O既係可以同家人一齊過 , 咁就最開心。」原來王力宏咁重視親情 , Fans 又發掘佢多個優點啦 ~ 不過今期O既專題講聖誕 , 點都要同讀者分享一下聖誕經歷 , 「我覺得係香港過聖誕好有氣氛因為去出席維園O既除夕倒數活動 , 跟 10 萬人一齊慶祝新年感覺最難忘 !」


生活跟平常人一樣 .....

王力宏一向給人O既印象都好 FIT , 但原來佢並無特別秘方 , 不過佢就特別鐘意運動好似做 GYM , 打波通通都o岩 , 棒球更加係佢o既至愛 ! 講到食方面 , 王力宏都冇特別偏好 , 無論西餐 , 中菜或台灣菜都愛食 , 即使連 Pizza . 「麥記」呢o的平民化o既快餐都好享愛 , 不過眾多美食中 , 佢就最怕食台式o既麻辣火鍋 , 因為「實在太辣了 ! 」


後記 :

做完訪問同王力宏閒話家常 , 順便介紹比佢聽 係隨 附送o既 Supplement , 點知佢一聽到 Supplement 呢個字即刻大皺眉頭 , 原來佢以前係美國生活o既時候 , 曾兼職送報6 , 除左騎住單車逐家逐戶派報紙外 , 重要負責疊報紙 , 當o個日出得愈多 Supplement , 要疊o既就愈多 , 所以一聽到 Supplement 就好自然令佢記起疊到手軟o既苦況 ! 所以話 , 咪只係見到成功藝人o既風光面 , 其實好多辛酸史冇話您知咋 !