力宏台報導 leehom news ※《火力全開》巡迴演唱會進行中 現已有售:- ※專輯 - 王力宏《火力全開》 ※王力宏08/09年Music Man世界巡迴演唱會DVD

4,274愛的鼓勵 1訂閱站台

有傳唐季禮和郭富城因爭藤原紀香而決裂，唐季禮日前接受訪問時，忽然發難炮轟郭富城及其經理人小美，公開數臭兩人，唐季禮更興起扮小美的聲調說話，十分搞笑。

導演唐季禮、郭富城和日本性感女神藤原紀香合作拍攝《雷霆戰警》一片，豈料竟引發連串「爭女」風波。
據悉唐季禮不忿城城和紀香拍拖，故早前在台灣宣傳時，故意分開城城和紀香。
後來唐季禮特別帶女友看舞台劇《白蛇》闢謠，以示自己對紀香沒有意思。而唐季禮日前接受新城娛樂台節目《點正娛樂》主持媚媚訪問，該節目昨午播出，唐季禮在訪問中炮轟城城和小美，擺明車馬和兩人擘面。

小美：摑佢一巴

唐季禮在訪問中說：「我估唔到Aaron（郭富城）會為o左一件事，而一反常態。記得有日我由紐約返o黎，Aaron經理人小美打電話畀我（唐模仿小美聲音）話：『點解會畀王力宏同紀香唱主題曲？今日報紙大隻字寫o左出o黎。你知唔知Aaron幾hurt，你之前又話Aaron唱主題曲，點解王力宏同紀香冇對手戲，但你又要搵個新人去食o左佢個位，摑佢一巴，搶o左Aaron o的o野，你應該stop佢！』
「我聽完之後，雖然覺得好唔合理，因為王力宏同紀香合唱，係佢o地拍戲時自己提議，再加上Aaron所屬o既華納，一早已講明Aaron唔想唱英文歌。咁點
o者？唔通叫紀香唱中文？但小美又話：『你咁叫錫Aaron？佢二千呎高空o既危險動作都同你去搏！』

「Aaron雜誌篤我」

「於是我向小美提議，不如同華納傾
o下，做首歌之後畀我聽o下，等我再同紀香方面商量。點知到o左第二日，小美自己飛o左去日本搵紀香o既經理人，人
o地得好奇怪同煩厭，於是打畀我，話連同王力宏合唱o既計劃都要擱置，呢件事令王力宏都好hurt。」
「雖然事情搞到咁差，Aaron重o係雜誌篤我，但我真係冇怪Aaron，我只係覺得係佢公司management（管理）有問題，我重打過電話畀Aaron想解釋，點知佢冇覆我。
「第二日小美又打畀我，話Aaron唔覆我好正常，因為Aaron佢好唔開心，好hurt，覺得我唔錫佢，重話我有排會見唔到Aaron。結果直至要o係香港宣傳《雷》片，Aaron一直都話唔得閒，要到機場首映果晚佢至出現。

僅公事約紀香

「當晚都係我安排Aaron同紀香坐埋一齊，好似話我送花，我都唔止送畀紀香，連林心如Aaron同王力宏我都有送啦！所以話我想追紀香，根本扭轉o黎講，我由七月識紀香，只係公事上見過佢，未試過私人約會佢。
「小美佢o地成日話我o地冇通知佢出席台灣宣傳，就連台灣發行商都覺得好荒謬，根本由頭到尾，我o地都有fax來往，係佢o地要將o的o野改o黎改去。」

「追紀香好正常」

「其實係人都知紀香一出，就會蓋過晒所有人o既風頭，我都係好心安排紀香獨自o係台灣宣傳兩日，第三日先會合Aaron o者。
「我覺得小美management（管理）方法有o的問題，佢用做歌星o既方法，用o係電影度，佢唔明呢o的係team work，有規矩，全人類唔係冇o左你唔得，唔會有緋聞就等於幫電影宣傳。
「我拍咁耐戲，都冇用過呢種方法。Aaron o係台灣，小美私下發晒通告畀台灣傳媒，話Aaron會同紀香食麻辣火鍋，我知件事唔關Aaron事，根本就係有人從中作梗。
「其實Aaron鍾意紀香、追紀香好正常，正所謂後生仔，佢o地又幾襯，如果Aaron真係追到，我會替佢開心。

「而家我重hurt」

「但而家換來咁o既結果，我重hurt，我出錢，出力去捧佢，點知佢竟然認為最終收穫係識到藤原紀香，咁好明顯佢係為追女仔而飛去台灣，並唔係想宣傳套戲。
「重會唔會搵Aaron拍《岳飛》？我個心雖然好唔開心，但我到目前為止，仍然係從一而終，希望Aaron拍《岳飛》，之前中影話我想搵李連杰拍《岳飛》亦係假，我仍然希望搵Aaron。」不過唐季禮在今期的《明報周刊》訪問中，卻表示若小美仍是城城經理人的話，他不會再和城城合作。就唐季禮對小美和城城的指摘，謂不想再和城城合作事，城城昨日接受電話訪問時說：「佢o既個人決定，我冇意見。」對於唐季禮的指摘，城城說：「咁有趣呀？不過我冇o野講。」小美亦在電話訪問中說：「我唔想回應。」

from 蘋果日報
(12)