Nice ~ Nice ~ 泰利 自從2007年 12月25日知道小生命將會來臨~ 已經興奮得不得了~~ 2008年 8月18日 ＳＥＡＮ　Ｂ　誕生後,屋企就更加嘈到拆天呀 @O@ "ＢＥ　ＬＩ　ＢＡ　ＬＡ" & "ＨＥ　ＨＥ　ＨＡＨＡ"既聲音原來是動聽的喔＝ｖ＝

1,003愛的鼓勵 0訂閱站台

４月２４日

今天本應好開的，因為同冰一齊到會展的家品ＳＨＯＷ掃貨，收穫都一般啦！！　但晚上的事簡直令我整個人崩潰呀！！事源．．．．．．

亞冰比回ＨＫＤ＄３０我，一張ＨＫＤ＄２０紙，一張係ＨＫＤ＄１０紙（勁舊綠色個隻），我在ＡＶ　屋企打的到荃灣時用了一張ＨＫＤ＄２０紙，心想剛好可以用埋張咁舊的ＨＫＤ＄１０紙搭車到觀塘找 ＪＡＣＫＹ．當我落了的士時,仍手持那張ＨＫＤ＄１０紙，再加２個５毛子（因為係ＨＫＤ＄１１的）．

我在上車前一刻已經再ＣＨＥＣＫ清楚我將要附的車資，因為我知道那些司機好惡（當然唔係全部都咁），當我比完錢比司機，行左２步便電話響起了，是ＪＡＣＫＹ，我同佢講左唔２句我便坐下，接著便聽到司機問：

司機：　邊個比２個５毛子我架？？
我：　　係我呀（當時已經同ＪＡＣＫＹ講轉頭打比佢〕
司機：　你比２個５毛子我做咩呀？？
我：　　我比２個５毛子加一張１０蚊紙你架，ＨＫＤ＄１１丫麻．．
司機：　冇喎，你淨係比左２個５毛子我啫．．．
我：　〔勁無奈加唔想阻住人既心態下〕唉，咁我轉頭先啦．．．（坐低）
司機：　唉．．．小姐你又掛住傾電話．．．（佢意思係我因為傾住電話所以唔記得比＄＄佢，但我係比完＄＄至電話響架！！〕個司機仲懶好咁話：落車至比返我啦．．．

車程中：我真係超級唔憤氣啦，仲要咁比佢屈，已經眼濕濕，好委屈啦．．唸住比返ＨＫＤ＄２０佢找，但我唸唸下真係唔甘心咁比佢話，我就特登比張ＨＫＤ＄１００比佢找．　因為我坐最尾，所以當我落車時係最後一個．．．．當我比左張ＨＫＤ＄１００佢，佢找比我時取了一疊＄＄有４張ＨＫＤ＄２０，跟住２張係＄１０，一張係新，一張就係勁舊（我個張黎架！！！）我即刻癲左咁．．．．

我：　喂，依張$１０係我架．．．．
司機：　（語氣勁衰）唉．．．．我依幾張銀紙疊到好底架，點會係呀．．．（仲要加埋佢個死人眼神，真係屎都滾呀！！〕
我：　有幾底呀？？肯定係我架，　張＄１０咁舊，　一定呀，係都唔呃你＄１０啦，仲有呀，唔該你攪清楚呀，掛住傾電話０個個唔係我呀，係坐係依度個女仔呀（我指住個位啦，但條友已經走左）
司機：　唉．．．．．
跟住佢找完＄＄比我，我好大力咁啪左佢度車門一下走喇．．．．

真係忍唔住即刻打比ＪＡＣＫＹ同佢講，跟住Ｄ眼淚就不停咁流落黎喇Ｖ．Ｖ0係0個一刻我真係癲左咁勁講粗口～．～　不停咁鬧個司機．．行行下見到頭先坐門口個男仔，見到我拎住張＄１０個個ＵＧ男仔，我即刻含沙射影咁講：根本有人見到，但又唔出聲，濺人黎架．．．．（不過我冇睇佢反應！！）

我真係好慶呀，因為我覺得好委屈，自己証明到我係有比既，但都要比佢收多＄１０，而且又有人見到都唔出聲．．．．好蚊憎．．．．

我唔可以抵制坐觀塘小巴，但我一定會抵制唔坐佢架車同埋司機．．．．．．死都唔坐呀，佢個樣我化灰都一定認得佢呀　！！