貓兒奇想 ※※※※※※※※※※ 在這裡有無限的空間、無限的自由，讓我寫下我的所思所想，沒有隱藏、沒有避諱… 讓你認識真正的我 ^.^ 喵~~~~ ※※※※※※※※※※

220愛的鼓勵 0訂閱站台

事隔五日，終於可以見面喇！但點解時間過得咁快既？？我唔制呀~~~ >.<
今日向大埔海濱漫步了一會，雖然天暗淡了一點，但蠻舒服的！嗯...景色比西貢美！下次去一定會好天氣！又到過金山郊野公園睇猴子，大大小小好多隻呀！雖然向車入面，但跟牠們近距離對望既時候原來都幾驚架！！@.@

個個都話我傻，連你都話我『真』！唔得咩？！平時返工已經要咁認真、理智、成熟，放工既時候點解唔可以簡單直接一點？就將心第一下的感覺講出來我覺得很好呀~~唔需要經過太多既思考、過濾，我認為無問題呀。

繼伯伯後，相隔一天，那位先生在睡夢中呼了最後一口氣。我叫他『先生』，因為他只有五十五歲。入院那天起他令我反覆想起三年前另一位三十歲病人。他們都像骷髏骨，相信普通人見到都感到害怕。我沒有太多的時間照料他，但每次都用著憐惜的心。希望你們的太太、子女都堅強活下去。

今日我跟你說，如果醫院繼續保持咁既人事..相信我好快就會走....有些事我不能忍受，我相處不來。至於去邊，仍是未知之數，心裡有著很多想做的事....

婆婆回來幾個月，我見她不到五次，為什麼呢？！四月六號她就會返加拿大，今次媽又會跟著去三個月，除了覺得可以清靜一下，但內心又是湧起一陣失落。跟上次一樣，第一時間又會想：點解又向我生日既時候過去？但明明我生日就不會跟她過，好矛盾呢.....我自己都解釋唔到。不過仍然討厭佢乘機要多d錢~ >.<

『唯有真愛永遠有初戀的熱情』--沙士比亞