貓兒奇想 ※※※※※※※※※※ 在這裡有無限的空間、無限的自由，讓我寫下我的所思所想，沒有隱藏、沒有避諱… 讓你認識真正的我 ^.^ 喵~~~~ ※※※※※※※※※※

220愛的鼓勵 0訂閱站台

今日睇左《志明與春嬌》，唔係好好睇，不過的確幾寫實。係咪每個人都會經歷一段咁既時期？點形容.......是『迷失』嗎？你明白我的意思嘛？是有點複雜。你叫我還是不要看太多戲，因為會諗太多野。睇完戲點可以唔諗野喎？！咁會好浪費。放心，雖然會代入，不過過份負面既我又唔會真係諗得咁灰，唔洗擔心。^.^

很喜歡春嬌的一段說話：你唔好成日講一半唔講一半，我唔明架，我唔識估，我無咁多時間，我會好「支力」架！我個人好簡單好直接架咋！
簡單直接應該是最好的。

之後遊車河到青衣海濱公園。嗯...我真係有好多地方未去過。唔需要有目的，唔一定逗留太久，謝謝你有時間就帶我到新地方去。

今朝一醒，腦袋又無端端想起「人生」來。喂喂，憑心個句，你每日生存是為了什麼？錢？理想？還是就純粹為了生存？好諷刺，有人每天勞碌就是為了臭錢（我真的認為錢好臭，不信的立即從錢包拿張廿蚊紙索一索！），但那些連基本生活層都未能達到的人呢？
想到這裡我就停了。不過如果每天都這樣想一想，我地都應該會感到滿足快樂。

今朝向電話又無端端被罵一頓，真後悔明天應承跟她飲茶...... >.<

我真是一個好人嗎？我真的善良嗎？突然又想起這個來。嗯...我從來都不這樣認為，因為我知道我的心並不那麼「純潔」。或者一個朋友說得對，我是那種正常的好人，因為我有我的底線，我有討厭的人和事。

咳剛剛好了口裡卻生了好幾粒飛滋....好痛呀 >.< 可唔可以快d好返？

仲有廿二個鐘，我就踏入廿九呢個數字喇。上星期你問我有咩生日願望，我回想原來過去約十三年我的生日願望都一樣，你問我有實現嗎？嗯..上年應該係實現得最好的！我話今年既願望可能有一點點唔同，你想知？哈~~秘密！講左會唔靈架！

有時有d事真係好得意，令人回味又回味。