執下執下就執到而家....唔抵得都係想寫埋diary先^.^
尋晚結果都失眠，十二點八訓落床，成兩點先訓著 @.@ 不過今朝七點幾起身，個人依然生生猛猛！先學一堂再考試。練習既時候好大雨呀！！好彩正式考試就無落。嗯.....真係過幾個燈位佢唔叫直行定左轉，都未知考邊條線！考既時候都算多車！前面又跟住貨車、垃圾車，有個燈位真係差少少‘領野’！！返到學校準備停車考官無端端問我考第幾次！我話第一次...真係好驚！咁問係咩意思？！不過好彩~~~~~~~ 我PASS喇！！真係好開心！！（係打從心底裡的開心！總算達到我多年前既夢想之一！叻女~）
跟住就返屋企執埋d手尾....搬家！！約三點，點知搬運既人成四點先到！！累你要呆等個幾鐘！又要比阿媽話！（因為個琴要搬去佢到，但佢又趕住出街。）最慘係阿仔！比我放左入袋成三個鐘！！>.<
六點多終於搬好d野~ 我先換窗簾布，你就幫我電視追台同駁電腦（好野！而家房同廳都可以睇電視！）....七點半，終於可以出去食飯喇！（好肚餓，今日未食過野.....）食放題慶工！！！超飽呀！之後去左買熱水壺同電視天線~ 謝謝你~ ^3^ 今日辛苦你喇，一早返工，下午又請假幫忙~~ 聽日又返咁長時間，辛苦死 >.<
返黎既時候，你諗住跟晚間既security打打關係（因為我跟你說晚上那保安麻麻地，但朝早0個個就好nice），點知......從呢個保安得知，原來上手租客咁快搬，係因為佢掙人錢比人上門追數！！！下.....知道左真係有少少驚，不過如果d人知佢搬左應該無事既，呢d事我以前既屋企都試過，因為哥哥掙卡數..嗯.....唔好驚！遇過既話如果真係發生都唔洗驚！！不過聽日都要再問清楚agent！./. 可惡！
阿仔黎到新屋都用左幾個鐘適應！到頭先十一點就無端端黎嗲我^0^ 我陪佢食左幾粒餅、飲點水、再......待佢大左個便，有人就開始曳曳喇！不過~~~佢跟住都有陪我執野~~ 乖返啦！=^.^= 不過而家又開左櫃筒，哩左入床下底lu~~ 傻仔！
搬新屋開心嗎？嗯...未有太大感覺。只希望今晚好好訓一覺~
早抖喇~
文章定位：
