累＠貓兒奇想｜PChome Online 個人新聞台

2009-05-07 01:33:30| 人氣49| 回應0 | 上一篇 | 下一篇

累

推薦 0 收藏 0 轉貼0 訂閱站台

今日再打返比個地產...其中一間較喜歡的已經比人租左.......個經紀今日態度有d變，無乜禮貌好似要我求佢咁！所以我又搵左第二間地產！哼！你自己蝕底！今日呢個好好多，有禮貌、好傾又唔會push人。睇左好幾間，有一間超抵！不過就要搭鯩到頂再行樓梯上多層，其實都安全既，因為有好多伙人家，而且都幾闊絡，不過就有個角位有滲水危機....但係之後再睇已經被人租左喇>.< 無緣。
另外有一間裝修好好架！！係就係細左d，不過好骨緻，有warm既感覺...不過價錢就略嫌貴左少少...業主企得好硬呢！！>.< 嗯....真煩人...

其實今日原本係同同事踩單車食飯既......（其實我唔識踩，之前都講過不如淨係join食飯）不過因為睇樓既事無去到，我已經打電話say哂sorry，知道自己唔岩，但係就竟然比佢地0向電話狂鬧....仲鬧得好盡，我真係覺得好難受、有想喊0既衝動>.< 之後我都再send sms道歉，點知換來一句bull shit，話我唔尊重佢地....我已經道左歉，而且我都係做正經野......點解唔企返少少0向我0個邊幫我諗下？其實搵屋既事已經令人好煩好累.....你知道嘛？聽日返工唔知會點...我真係有d驚同擔心>.<

點解隔離屋又打麻雀！！