24h購物| | PChome| 登入
2009-04-02 01:07:55| 人氣40| 回應0 | 上一篇 | 下一篇

流放

推薦 0 收藏 0 轉貼0 訂閱站台

愚人節快樂嘛？希望你地都快樂！今日亦係我地最愛既哥哥張國榮既死忌，仍然很多人懷念你。

呢幾日‘人’總算返黎，識得講笑，返工唔會有怕做錯野既感覺，人唔處於黑洞之中，不過....就係得咁多，無其他。我會比喻為：比行屍走肉好。我唔識詳細形容，但係我知道自己未好返。

連續八天工作，0向忙碌之中好快就過左四日，仲頂得住，而且呢幾人個ward既patients比較ill，終於可以比較nurse了，加油！

Highly Secret可以公佈喇！因為我今日落實了~~ 各位，我去旅行喇！台北四日三夜自由流放之旅！點解咁叫？因為我一個人去旅行喇！！其實掙扎左好一陣子....其實心入面好驚......其實好想你可以一齊旅行.......好多個其實，不過算啦，我要令自己更強、更叻、再成長，所以就試一試吧！（其實我覺得自己好任性）酒店機票分開訂因為會平d，三晚酒店都只不過$1100！港龍航空連稅$1580~ 係咪好抵呢？！4月二十號起行！成兩年無去旅行，今次仲一個人去，真係好好好緊張同少少興奮！不過我知道引起好多人既擔心....嗯~ 對唔住呀....我會小心架喇。
好希望下次大假你可以去到旅行，好想跟你去你想去既地方！

九把刀既書都睇完喇，應該快d再買定等份功課做好先呢？

其實...其實......其實........真係有好多個其實........

我要檢舉
#交換日記
台長： 小寶寶

您可能對以下文章有興趣

人氣(40) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文