24h購物| | PChome| 登入
2008-11-24 01:34:32| 人氣55| 回應1 | 上一篇 | 下一篇

百感交集

推薦 0 收藏 0 轉貼0 訂閱站台

見到好朋友搵到咁錫自己既人咁幸福，我真係好好好開心！敬酒既時候我同新郎哥講：以後都要令佢咁開心呀！你一口應承，我記住架！新娘子講野既時候，我都差d忍唔住喊...可能明白你既感受，知道你以前既唔開心，所以好感觸。希望你永遠都咁幸福！！我知道我都幸福，不過佢呢種幸福係唔同架！我唔肯定，不過我覺得會有分別。而今晚既飲宴就好似gathering咁！成七年無見喇！！起初都有點生疏，後來都幾開心呀！希望第日間中gathering下啦~！

今日終於可以見到你，雖然見得少會更覺珍貴，不過我想貪心d。我明白、我知道，所以....希望我可以繼續控制自己。唔係唔開心、唔係辛苦，不過，掛念往往會拖著人既心、那感覺好難形容。同以前既自己有100%不同，朋友們唔相信，其實連我自己都唔相信，原來我可以。都講過，當事情發生既時候，只要你願意、只要你肯努力，無野係唔得，只不過無人知結果會唔會跟預期一樣。我，正在努力，你感受到嘛？而你對我的，心...收到了~~ ^^

你終於都考完試喇！希望今日真係令你發洩到、輕鬆到！見到你開心，我都會好開心！嗯~到BB考試喇！係時候發力！！

右膊頭痛左一星期喇！會唔會係肩周炎？！！>.<

又要再掛過。期待下一次....約會。

我喜愛既Christmas仲有一個月就到喇！！亦代表呢個令我成熟不少、甜酸苦辣都嘗過既零八年將要過去..........

唔知點解今晚個心好似放左好多野0向入面，好想講哂出黎，但係又唔知從何說起。

我要檢舉
台長： 小寶寶

您可能對以下文章有興趣

人氣(55) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
Milka
好多謝你o既出現呀！我當晚送客見到你，真係喊出黎呢！
我同意你都係咁幸福，大家都會有幸福o既每一天！
2008-12-03 21:14:45
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文