今日........只係escort小寶寶都用咗三個鐘！！
一個怕死嘅IC要小寶寶escort個patient去做urgent USG，BP係low side啲，不過好stable，而且patient其實本身一直都係BP比較低，結果一去就去咗一小時多！返黎又比palate conc.（血小板）、又要收個前後兩大個infected wound嘅阿婆，好快又到巡房，之前個女人要做urgent ERCP喎！（膽管鏡）落完palate conc.都過咗office hour，結果又要自己escort，仲要帶埋DDA藥！去到門口見到兩個臭脾氣M.O.已經打咗個突！準備好一切就由小寶寶負責打針藥，再到床頭負責suction同hold實patient個頭。點知支鏡入咗三分二個patient就開始confused，郁黎郁去，啲力仲大過老虎！當時情況佢真係好似一隻老虎乸！！其他四個醫生都鏱佢唔到，可況係小寶寶一個弱質女流！而家小寶寶對手臂都又酸圣軟！結果...........梗係fail procedure啦，話要入OT 全身麻醉做喎，又等anaes.黎睇，直接入OT，攪掂所有野，小寶寶可以返病房都已經七點幾！！匆匆食過飯（其實都食唔落），又出返去執手尾！成八點，幫手派埋啲藥，先幫個大wound阿婆換Foley，佢long term Foley，入院五個鐘都無尿，其實下晝小寶寶洗wound順便flush過條Foley係唔patent，不過小寶寶又無時間，交低咗又無人得閒幫小寶寶跟，結果到夜晚八點小寶寶先得手自己換番，之後都出咗150ml，接住又transfer in個complicated and ill case（唔知點解今日d case要收哂落我度囉！）八點半小寶寶寫埋d牌板先得手跟番個case！再交得間黎................小寶寶遲咗一個鐘放工！
今日攰之餘小寶寶仲受傷！返工無耐唔知幾時唔知點樣撞到隻手，一撞就瘀咗！而家腫咗少少，掂一掂都痛！插Foley個陣又比阿婆搣到紅咗一達！（小寶寶當時痛到大叫！隔離cubicle個同事之後話：仲以為邊個女人喺度叫！）
返到屋企都成十一點，沖過涼食咗KenKen煮嘅撈麫同煎蛋，真係好好味呀！^.^
好彩聽日返P可以訓耐d，不過最希望今日無漏野比同事，因為d case已經夠屎架喇！自己又有三個鐘唔响ward，有d返工唔知做咗d咩嘅感覺！
P.S. 投訴！呢個IC真係好唔掂，成個shift唔知佢做過d咩，無幫過任何case nurse手，IC要做嘅野，我見八點半都未做！IC應該知嘅野問親佢都話唔知.....未睇，有無攪錯呀！做咩IC呀！
文章定位：
