尋晚night，同事交低有個伯伯入院係try off Foley（尿喉），但下午到夜晚都痾得唔多，到晚上九點retention of urine已經係610ml，但伯伯堅決唔肯插番條Foley，到我接手，再勸伯伯：你咁樣唔得架..........如果痾到一早痾咗....插番條尿喉啦........會谷爆架.........死得人架..........
伯伯堅決唔肯插：好痛架.....尿袋好麻煩............聽日先算...........爆咗咪開刀囉............
講咗二十分鐘都講唔掂數，小寶寶再check retention of urine：689ml，小寶寶唯有call H.O.同佢講，又講咗半個鐘，H.O.出黎同我講阿伯好堅持，小寶寶話：咁唔掂喎，成晚咁長，不如你同佢簽咗refusal form先，再勸下佢.......不如勸佢cath. once啦！（cath. once係只插一次尿喉放咗呢次d小便就隨即off咗佢）結果簽咗refuse form，但亦末勸到伯伯cath. once。做完輪routine，小寶寶再嘗試跟伯伯理論，伯伯堅持聽日先算，聽日搵個女商量下先，小寶寶話你等唔到聽日，伯伯竟然好輕描淡寫話：咁咪與世長辭囉~~~ 聽到呢句小寶寶真係又好嬲又好笑！
於是我就打比佢屋企人，只係搵到佢個仔，解釋咗情況，再比伯伯自己同阿仔講，好在！阿仔勸服咗伯伯cath. once！小寶寶執好野，再跟伯伯解釋咗個procedure一次，成個過程好順利（小寶寶企足半個鐘！），過程中伯伯三番四次問係咪真係會攞番條喉出黎，小寶寶話：我做乜呃你喎，有金執咩！呃你比你告，我以後唔洗撈架喇！...........放完你自己都鬆好多啦，你心中有數，伯伯‘唔’咗一聲唔敢回應.....而家你又安樂，我又安樂，訓覺啦，四、五點訓醒再同你check下..........
到差唔多天光六點：retention of urine又去番600ml，伯伯叫小寶寶比時間佢去廁所，小寶寶都無多理論，無奈又交番比A更同事............
文章定位：
