過咗兩日，對手臂已經好好多喇，精神亦叫回復了，謝謝Shirley的支持呢！小寶寶會繼續努力~~~！！ ^.<
早兩天跟胡太電話閒談（補習小姊妹的媽媽），談談怎樣可以幫到懶散又不太緊張成績的妹妹，提供了點點意見，分享了一點點胡太的壓力。她問到小寶寶的近況，我透露了一點點，當然她著意小寶寶先留意身體健康。哈~她起初以為小寶寶儲錢結婚，當然唔係啦！小寶寶講過唔想結婚（唔知過幾年會唔會變架~~），除非要生小朋友啦，不過小寶寶so far依然無變，唔想生喎！都係嗰句：因為做人實在太辛苦喇，連自己都未過到優質生活，唔洗諗養下一代呀！！唔想害咗佢地呢........而且呢個社會，連考幼稚園都要爭、都要面試，點解喎？！點解d細路咁細個就要開始受壓力，幾時到大呀？？？？？ @.@ 講到自己為咗讀書儲錢（哈~ 小寶寶好似變得咁清高咁 :P），唔經嗰剎那講出口，小寶寶都差點想唔起點解自己要咁辛苦，小寶寶當時同胡太講：我唔想就咁一世做個普通嘅護士，我想讀master、再讀一個自己有興趣嘅speciality，咁樣好似有多d作為、有多d意義.........（哈~~小寶寶幾時咁有理想架！！真係連自己都笑大個口！ :D ）講真，自己响讀書呢方面實在有心無力，永遠都成績平平，甚至低落，我.........可以再讀咁多野咩？！我唔知呀，不過我想咁做，我想咁樣行條路囉..........事在人為掛~~？
唔記得話比大家知媽前幾天終於做咗cardiac cath.，PWH嘅醫生話佢fit for OT 可以再換心瓣喎，不過都要send個report比GH，睇下佢地肯唔肯同媽做OT，而家人仍在PWH，因為要教返好d血凝固。我諗如果GH肯嘅，within三幾個月會有得做。唉~ 又要騰時間睇佢，更令小寶寶攰上加攰，而且我唔明點解住醫院都咁多要求，我做到八分，佢就想要十分；我得十蚊，佢就想要十五蚊，好辛苦呢.........對外小寶寶希望做到一百分，對屋企人，我好希望當我做到八十分你地已經好滿足，唔會再加添壓力响我身上囉..........
另外想講：小寶寶唔鍾意比d唔認識、唔了解自己嘅人批評！我做每件事有自己嘅原因，唔到你地理！！ >.<
文章定位：
