24h購物| | PChome| 登入
2006-11-09 00:11:31| 人氣47| 回應0 | 上一篇 | 下一篇

賣豬仔

推薦 0 收藏 0 轉貼0 訂閱站台

星期一晚小寶寶相約同事到元朗打邊爐。記憶中小寶寶無去過元朗呢個地方。由於小寶寶係sleeping day，下午又要先到九龍塘教琴，於是小寶寶一早已經問定同事點去。
到黃大仙轉巴士.............
好耐無到過黃大仙喇！感覺好得意，好多回憶（因為小寶寶幼稚園、小學、中學都喺聖母書院就讀），經過黃大仙中心，原來以前放學成日跟同學到嘅書店、精品店仍然存在，仲一模一樣添！等巴士時望返上母校，真係覺得好開心，因為諗返起好多以前自己嘅傻瓜嘢！！ :P 哈哈~~
呢程車好長呀！小寶寶第一次穿過大欖隧道。接到同事電話問小寶寶响邊........‘errrrrrrr~~ 下個站係賞湖居’ 對方話：你去咗天水圍喎！小寶寶：係咩？（其實小寶寶都唔知天水圍同元朗响邊，相差有幾遠，所以心諗：咁又點喎~~~）結果小寶寶問巴士司機點去返元朗，跟住又落車轉乘輕鐵！（小寶寶第一次搭輕鐵咋！係咪好勁呢？！！ ^.^ 小寶寶好驚比人話無比錢搭車，所以未睇清楚就先拍咭再行上月台睇，好彩都無錯！結果順順利利，小寶寶只係遲咗二十分鐘！
打打下邊爐佢地講鬼故呀！仲係醫院鬼故、自己ward嘅鬼故、有人响上個night（第二個ward）patient奇異事件嘅鬼故！！搞到小寶寶好驚呀！有一下真係驚到差d喊出黎！！ >.< 真係好得人驚架！有機會小寶寶講你地知！
之後去咗B仔涼粉食‘芒果腸粉’同‘芒果河粉’，口感好得意呢！ ^.^

我要檢舉
台長： 小寶寶

您可能對以下文章有興趣

人氣(47) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

TOP
詳全文