—奇景
昨晚，陳阿仔竟做出北極熊（正確來說應該係黑熊）嘅動作！無端端將兩前腿提高，好似隻熊咁望住對房門幾秒，都唔知做乜？！正傻仔黎架~~~ :) 可惜當時無相機、電話响手，影唔到..... :(
—鬼婆
話說尋日有個阿婆原本可以出院，但無車，所以等到今日先走。尋日阿婆：唔肯抽血、唔肯量血壓、比藥佢食就吐番出黎、起飛腳......
今日醫生巡房：
醫生：阿婆做咩唔食藥呀？
阿婆：我都無事，做咩要食藥呀！
醫生：係囉，d醫生都唔知點搞嘅....
（醫生行開咗）
小寶寶問阿婆做咩又唔食藥又唔食早餐，阿婆講粗口！小寶寶話：唔准講粗口！最憎人講粗口！阿婆大笑！激死~~~
醫生：阿婆你叫咩名啊？
阿婆：阿婆囉！
醫生激到走咗！哈哈哈哈哈)))))))))))))
小寶寶：阿婆！
阿婆：咩呀！
小寶寶：呢度得你一個叫阿婆咋！
阿婆：我而家唔係叫阿婆！
小寶寶：咁叫咩？
阿婆：.............叫鬼！
小寶寶：鬼婆？！鬼婆好勁架喎！！！:P
阿婆嘴角微微翹起，忍笑忍得好辛苦~~~ >.<"
結果小寶寶成朝都叫佢做鬼婆~ 嘻嘻
—慚愧
尋日有個阿婆出院（因勁肚痛又去唔到大便入院），屋企人私底下叫小寶寶勸婆婆食多d、做下運動，因最近身體差了，伯伯又入咗醫院，可能就黎唔得，婆婆心情受影響...........但小寶寶因為太忙唔記得同婆婆傾多兩句，個心有d唔安樂，好慚愧呀.... :(
—唔明白
每次聽到d行外人話：其實你地都唔係好忙、唔係好辛苦姐....個心都有d難受嘅感覺，我地嘅忙你地點會明白，由返工到可以食飯（足足四、五個鐘）先可以坐，由返工到放工前十五分鐘先有時間去小解.........外人點會明白！
—不足
讀個master約要八萬一，一個sem比一次學費約萬六（小寶寶覺得起碼儲到一半先好放心報讀）、要買樓嘅話首期、裝修、按金、雜項....起碼要有十三、四萬先可以諗！加埋最少要十八、九萬先可達成希望，點儲呀！發夢！如果中到十萬蚊六合彩就好喇~~~~ 痴線！
—辛苦
雖然小寶寶極之喜愛小朋友，但唔生，一直係小寶寶嘅諗法，因為做人實在太辛苦喇，競爭又大，而且仲要响香港tim~ 讀幼稚園都話要interview！除非有大把錢比佢去外國啦！小寶寶唔想自己嘅下一代受苦！
有d野小寶寶實在諗唔通、諗唔掂.......
文章定位：
