24h購物| | PChome| 登入
2005-05-01 00:55:29| 人氣94| 回應0 | 上一篇 | 下一篇

星期六

推薦 0 收藏 0 轉貼0 訂閱站台

今日小寶寶一早起身，就只係為左教半個鐘琴~~好唔想起身呢~ @.@
之後去左沙田，KenKen提議睇戲......小寶寶唔想睇，因為知道好多人睇'Rains Tell You I love You'都勁喊，連佢地都咁，小寶寶一定喊得更勁！！小寶貝呢幾日唔想喊呢......
好彩Ken提議睇'湊仔型警'（哈~小寶寶之前叫錯做'湊B型警'！），於是我地就買左兩點一嘅飛，食完lunch先睇。入到場坐左陣，有一家四口被帶位職員帶近，有個女人話：咦！點解得三個位嘅？於是職員就查我地飛，無問題呀！唔知點解有一個位出左兩張飛！職員都唔明，但只係帶左一家四口坐左第二d吉位就算~
我同KenKen都好疑惑，所以再攞d飛出黎睇下..........岩位喎~ 咦~~~~~~~~~點解.....張飛打住十二點二嘅？！我地兩個都肯定當時係買兩點一嘅飛，所以相信係賣飛職員搞錯。哈~不過唔知點解無人check到比我地入左場~ :P 我同KenKen都好擔心，直至開場先定落黎~~ 嘻~ 安靜咁睇哂成齣戲！套戲好好睇呀！值得推薦比各位！ :)

之後我地又去左宜家傢俬，小寶寶又忙著設計自己將來嘅新居！挑選適合嘅家俱~知道嘛....一個人住嘅屋好細，所以要挑選適合嘅家俱都要好細心！^.^
小寶寶決定以木色家俱為主！因為感覺比較舒服，而小寶寶已經叫左KenKen要幫小寶寶嘅睡房塗上粉紅色或粉藍色嘅油漆！！今日，小寶寶睇中左合適嘅書架、電視機櫃同睡床！ ^o^ 不過到時可能已經無呢幾個款，但相信可以搵到類似的！！

聽日（星期日）係小寶寶嘅舊曆生日，媽跟爸都分別打黎想同小寶寶食飯，可惜quota只得一個，所以比早打黎嘅媽擺了~ 星期一再跟爸飲茶吧！
所以......小寶寶聽晚回家吃飯，就會見到我嘅寶貝細貓.........小寶寶掛住佢，但係又好怕見到佢 :_(

我要檢舉
台長： 小寶寶

您可能對以下文章有興趣

人氣(94) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

TOP
詳全文