各位~~~~！小寶寶終於返黎喇！
响東京嘅五日真係好攰呀！！因為我地要爭取時間去唔同地方，所以平均每日都係訓得五個鐘左右，我相信每日有成十七個鐘都係行路架！！！
小寶寶第一次去東京，當然樣樣野都係新鮮、新奇、好玩、刺激啦~
而自由行真係好玩好多！自己摸路、問人，比跟團好呀！小寶寶覺得咁先似旅行。
呢五日，我地去過....... （由於小寶寶懶，所以只節錄部份^o^）
池袋：我地嘅酒店所左地！個度好多烏鴉，比鷹更大隻都有！叫聲真係好似人...係男人！呀..呀...呀..呀..呀）））.....
新宿：行街、食SabuSabu（牛肉火鍋放題！大食嘅小寶寶食得最多！！嘻嘻~）
海浜幕張：行左個好好好廢嘅Outlet......令大家都好失望同無mood！
Disneyland：由十一點幾玩到夜晚九點多先走！入左間相信只有無用小寶寶先會驚嘅‘鬼屋’:P 玩左唔同嘅野，不過SpaceMountain維修就最令大家掃興！嘻~大膽嘅小寶寶玩左過山車（其實唔係好勁個d~），仲玩左兩次tim~~
築地市場：食左好大粒嘅strawberry，一餐yummy~yummy~又好飽嘅新鮮sushi！
台場：逛街街~
原宿：逛街街~ 小寶寶最開心買左一對錶！^o^ 跟住又返新宿掃貨！食左餐超貴但係又超唔飽嘅蟹道樂......大家都唔知食左d乜！
三鷹：Ghibli Museum（最衰入面唔准影相！入面有好得意嘅宮奇駿作品！），响附近試食左新野~ excellent 嘅綠茶紅豆雪糕！超大粒但味道無特別嘅墨魚丸！聖安娜有售嘅currybread！排左半個鐘嘅牛肉餅（小寶寶覺得幾好食，但如果KenKen係度就實食好多）！得個樣好睇嘅魚燒餅！
涉谷：逛街~ 食左地道拉麫~
最辛苦：係最後一日由酒店拖住個‘kip’去機場！我地自己搭鐵路，上落樓梯係要自己行架！小寶寶真係差d頂唔順！！>.<
總結：
成個trip小寶寶原來都唔係洗左好多錢，而主要都係用左黎搭車（好貴架！三幾個站都十幾廿蚊！）~
呢幾日好在有阿藍嘅3G手機，如果唔係小寶寶就解唔到相思之苦~~
小寶寶係最大食又食得最快嘅一個！:P
雖然當中有小插曲出現，不過都無事lu~ 好彩大家都係坦誠嘅人，咁先可以完全解決一d唔開心嘅事！小寶寶最喜歡咁樣，因為真正嘅朋友係咁黎架！所以整個trip小寶寶都好enjoy（除左太攰之外~ :P），在小寶寶而言，大家嘅關係都close左~ ^.^
唔知下次去日本會係幾時呢？太貴喇，相信都係一段長時間之後，而小寶寶就希望下次係同KenKen去~ ^.^（嘻~KenKenv識做啦~）
寫住咁多先啦~小寶寶諗到先再講比大家聽！
文章定位：
