各位，小寶寶返黎喇！
四日三夜台北之旅，好攰、好玩、好relax！將所有香港嘅煩惱事放低一會，感覺很好！可惜時間過得好快，當小寶寶坐响飛機上，望住台北嘅時候真係好唔捨得，感覺到煩惱又返黎喇......
呢幾日行程都算緊密！一早起身去這去那，好彩天氣都唔錯，團友都幾隨和，年紀相近嘅都不少！仲有一個好可愛嘅四歲小妹妹tim~！
第一天：九份-->深坑豆腐街美麗華-->京華城-->士林夜市
第二天：淡水-->珍珠養殖中心-->圓山大飯店-->溫泉（北投伊豆）-->忠烈祠-->團體餐（石頭火鍋）-->101國際金融大樓-->晚上小寶寶同Ken跟另一對情侶（宗and Yuki）到酒店附近走走、吃吃、看看:)
第三天：中正紀念堂-->故宮-->天祿藝術中心（貔貅）-->團體餐（中式）西門町-->晚上又跟Ken、宗and Yuki到通化街，看看書、吃小食
第四天：（自由行）搭捷運到芝山（小貓cafe）-->西門町-->山地特產茶藝中心-->機場
咁緊密嘅行程小寶寶想唔攰都幾難！所以呢幾晚小寶寶都睡得很好！甚至罕有地比KenKen更早更快入睡。
呢幾日.....
最新奇就係食左粒比乒乓波更大嘅褔洲丸！Yummy~~ :P
最開心當然就係去貓cafe啦！有得食有得玩！d貓貓好好好可愛呀！(=^.^=)
最怕就係過馬路，d摩托車多到嚇死你！
最奇怪嘅就係雖然紅燈，但係d車都可以轉彎架！
最攰就係日日都行左好多路！
最悶就係參觀故宮！
最突然就係比小寶寶見到真正嘅彩虹！第一次呢！係响山上浸完溫泉之後，落左著約十分鐘嘅雨。小寶寶數到六隻色！！影到相！不過唔夠一分鐘佢就消失左喇~~
最敬佩就係台灣人比香港人文化水平高！响街上就算人幾多嘅地方，你都絕少見到地下有垃圾！搭捷運，就算人幾多要等多久，佢地都一定等所有乘客落哂車先會自己上車！唔打尖，好守秩序，見到呢d，身為香港人嘅小寶寶寶都覺得好羞恥.......
最唔開心就係時間過得太快。
最衰就係小寶寶忘記買太陽餅比阿子！ :(
最難忘......所有！因為係KenKen第一次同小寶寶嘅正式旅行！^3^
好奇怪，小寶寶食左咁多街邊野，無肥到不特至，反而輕左！不過開心就得啦~~ ^o^
唔知下次旅行會係幾時呢？？下~~ KenKen~~ 帶小寶寶去邊呀？！
文章定位：
