24h購物| | PChome| 登入
2004-10-01 18:06:23| 人氣86| 回應0 | 上一篇 | 下一篇

可愛嘅小朋友

推薦 0 收藏 0 轉貼0 訂閱站台

尋晚補完習教完琴，同KenKen响西田food court dinner。當KenKen去買野比小寶寶食嘅時候，發生左兩件事。首先，我地因為搭枱，所以隔離有人。隔離坐嘅係一對年輕、新潮、紋身、講粗口嘅夫婦，帶住一對約兩歲同六歲嘅仔女。爸爸先買左一碗麵同豆漿返黎，再去買其他野食，媽媽竟然突然走去攞辣椒醬。麵放响姐姐面前，弟弟响斜對面發爛想要豆漿，佢大力拍枱兼尖叫（當時我呢枱已經受注目.........），佢差d拍落碗麵度呀！我勁驚，即刻推開碗麵，跟住佢阿媽都返黎，好彩~~

我繼續等KenKen買野食，突然間，有個三、四歲嘅小妹妹捧住杯汽水走埋黎（注意：我當時望緊第二邊，無同佢eye contact過），佢遞杯汽水比我睇仲同我講：「我飲緊可樂呀！」 哈哈~~~ 好搞笑、好得意呢！我當時望住佢除左識笑同答：「哦~」之外，咩反應都唔識比，不過跟住佢媽咪都走到黎叫佢走，唔好阻住姐姐。 ^o^ 小朋友真係可愛！

同KenKen食食下嘅時候，隔離換左另一家人（因為之前嘅爸爸趕住打機！走了。），又有個好鬼死可愛嘅小弟弟响度，個樣好cute，對眼笑起黎好似腰果咁！好頑皮嘅樣~~~~哈哈~ (@o@)

小朋友真係可愛！！

我要檢舉
台長： 小寶寶

您可能對以下文章有興趣

人氣(86) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

TOP
詳全文