大家好！小寶寶已經喺葵涌醫院精神科實習左一星期。初頭兩日實在好唔習慣，又悶，又同病人溝通唔到。不過，過左兩日之後情況就唔同左。
其實，精神病並唔係好多人所想咁恐怖、咁得人驚，佢地同正常人分別唔大，佢地所有事都會自己做，自己照顧自己，可能比好多人叻；只不過有時當有一d野刺激到佢地或者因為某d原因或者環境影響，先會令佢地响情緒或行為上有問題出現。其實只要多d關心佢地、聽佢地傾訴（其實身邊嘅人都要！），好多事都可以緩和落黎。
同院友相處左好幾日，有好多都好似朋友咁，咩都傾一餐；有d唔開心嘅，我就盡我嘅可能同佢地傾訴下，令佢地開心返；如果佢地唔想講，咁咪講第d話題囉，都一樣開心！ ^.^
我發覺當佢地情緒唔好嘅時候，大多都唔願傾談，有d甚至會發脾氣，鬧到你死，可能講粗口添！不過，佢地冷靜落黎嘅時候，當我嘗試同佢地傾計，問返佢地原因，再加我皮毛嘅輔導，情況或者可以改善嘅，就算唔可以，當中都可以令佢地知道咁樣係唔好，佢地應該嘗試控制。
因為醫院有花燈設計比賽，所以今日我地（小寶寶、Jane、Ada、Emma）同院友一齊做花燈呀！好開心！有d平事唔出聲、成日自言自語、行黎行去嘅，竟然都好樂意幫手！！小寶寶當然唔放過機會，嘗試同佢地傾計啦！唔~~ 當中有好多得著，不過好難用字句同大家分享~ :)
雖然只係做左一個星期，不過小寶寶覺得自己對呢科响兒科以外有興趣嘅一科！如果想做精神科，係需要part-time再進修，呢個當然唔係問題。不過，小寶寶喺度諗，讀左四年，大多都係好practical嘅野，如果做精神科就會完全運用唔到，因為呢科要嘅係溝通多，咁係咪好嘥呢？但係，小寶寶又覺得，兩睇啦，general ward需要嘅係physical care多，而精神科需要嘅係心理輔導，一樣可以好專業，可以幫到病人，係咪？
唔......小寶寶都唔知呀，問過兩個最親嘅人，KenKen同阿媽都反對 :(，阿媽話怕我會變得偏激、Kenken話怕我會受病人影響喎......
你地又點睇呀？有意見嘛？
文章定位：
