今朝先到畢架山教琴，好大雨呀！半路中，褲管己濕到整對小腿。唉~~心裡早跟自己說應該穿短裙或者短褲，還是不聽！活該！好彩，再去馬鞍山嘅時候已經無雨。
同Michelle、Cynthia豬仔補習，胡太又預我lunch，傾開計，佢問我有無諗住讀埋專科，其實如果有錢我都想架！佢問我想讀乜，我都未答，Michelle已經爭住話：「讀兒科啦，Pauline姐姐你咁好人，讀兒科就最岩架喇！」哈~ 聽到真係好開心，估唔到我响Michelle心目中係咁好嘅，可惜.......兒科唔洗讀專科，如果唔係我都一定揀！
唔........仲有一年Michelle就要升中喇，希望到時我仲可以同佢補習，幫佢升間好嘅中學。雖然佢兩姊妹平時嘴啫啫，但係外面實在太複雜喇，我唔想睇住佢地大，睇住佢地壞，希望我可以陪住佢地啦~
胡太嘅媽媽（婆婆）成日讚我，話我阿媽有我呢個女真好。可惜，我覺得自己一d都唔孝順，反叛呀嘛！可能，佢地覺得而家嘅後生唔學壞、唔行差踏錯、識自己照顧自己、識搵錢，咁就叫乖。唔知呢，是但啦。
諗起尋日打風，第一個打比我嘅竟然係爸爸而唔係阿媽。八號風球掛起嘅幾兩個鐘之後我打比阿媽，原來.......佢去左打牌。變嘅，唔單止係我。
今日下午跟Ken到旺角雅蘭。Trendyland開倉呀~~~不過，排隊付錢的人打左n個蛇餅，又唔係好多野買嘅我地決定走！之後又睇電器、影音開倉，無乜特別，無乜野睇。之後..........我地去左旺角龍蛇混雜之地！！好得人驚架！係雅蘭旁邊嘅仙跡岩！裡面十枱有九枱都食煙架！有騰雲架霧嘅感覺~~ @.@ 而且o個度d野仲好難食！！
個街又逼又焗，我地好快就返hall lu~~ 煮烏東比KenKen食，睇隔世追兇大結局，舒服得多~~
不過阿Ken仲未好番哂呀........d藥食哂，聽朝要再睇。今日睇KenKen d藥，硬係响醫院未見過，但佢有隻Dologesic，個樣同我响醫院見嘅完全唔同，我懷疑.......私家醫生用d action一樣，但無咁靚、無咁有效嘅藥去代替！！ ./.
兩份功課叫做完成，不過有d馬虎，有時間要再執執。
聽日星期日（有學返、有野做嘅時間過得真快！），又會同KenKen去游水！不過今次要我入到大埔呢~~~~~~~~~~ 唔~ 一次咁多啦！！知道未呀！
文章定位：
