今日，第一日開始個summer exchange course，一早八點起床，準備好就趕快出門。好多人呀！六、七十人啦，有我地poly嘅同學，有來自上海的、山東的、台灣高雄的.......
本來今日上第一堂架！點知同上海（現場）嘅視像有d問題喎........其實佢地一早安排好，根本今日就未要上堂住！等我原本編左星期三先去嘅教琴補習，今日臨時話比人聽星期三唔得，今日可以去。唉.......我尋晚先confirmed d家長架，今日又話改，幾唔好意思！！
Dr. May Fok分好組，不過..........唔見左我個名！後來求其編番，同組有一個HD Yr2嘅女仔、另外有兩個上海、一個西安、兩個台灣嘅exchange students。Lunch同其他組加我半組一齊食（因為個year2唔想同d exchange食.......走左同自己同學食）。响新can食，食完先十二點半，但要陪佢地等到兩點半先可以做student id呢~~ 所以响canteen坐、坐、坐.........不過都講左好多野~~ ^.^
依今日所見，上海女仔真是長得比較美，那輪廓多好看~~ 唔怪得，我........（嘻~ 我也是半個上海人呢~）
至於台灣女仔.........好in、好有錢！有個女仔已經問我邊度買：notebook、數碼相機和手提電話好！佢要買三樣貴野呢！仲問我有無得‘碌卡’！勁！有一個就問Lancome專門店响邊！有d問邊度有平、靚、質料好嘅衫買，起初話唔駛名牌，不過...........佢地問緊嘅係Espirit呢！對我來說可不便宜呀！！
今日又有人話我似明星呢~~ 首先係個上海女仔話我好似TVB一個女明星，跟住個year2都話覺得。不過，佢地都無講到個名，而且都唔知係咪講緊同一個人.........
唉~~ 明星，係就好喇，賺得多，而且我都幾鍾意做戲架~~ 記得當年我試過好傻瓜咁去演藝interview，哈~ 驚入唔到大學嘛，自己响呢方面又有興趣，咁咪就年青人，樣樣試下囉~~~ 都幾得意架，係一個難忘經驗，不過當然無被選中啦！ ^o^
聽日開始上堂喇~~~ 上Interpretation of clinical data，不過由視像嘅上海老師教，要聽國語呢！！唔，希望聽得明啦~
文章定位：
