24h購物| | PChome| 登入
2004-03-22 01:00:00| 人氣20| 回應0 | 上一篇 | 下一篇

錢

推薦 0 收藏 0 轉貼0 訂閱站台

唉.......傍晚又同阿Ken到尖沙咀逛逛，睇下有無新衣可以添置，而且上次買唔到，我有d唔死心！

點知..........
唉~~ d衫又係唔顏六色、一岩一忽，但真係有人買架喎！而且我相信我班中一定有同學喜歡這類衣服....哈~ 拭目以待啦！

行到無心機，又攰到死.....我同阿Ken竟然去7-11買左包‘熱浪’一路行一路食....嘻嘻~ 為食鬼！ :P
食到咁上下我地企左埋一邊食，我突然同阿Ken講，我想要好多好多錢呀！一百萬呀，一百萬就夠喇！阿Ken話：咁少！！我話係呀，夠架喇.....佢話佢都想要喎~ 咁我就話好啦，一人一百萬，今晚番去一人開一張check比對方啦~~~ （哈....正一白痴！）

講真呀......好似今日咁，有時行過一d較高檔既舖頭，有d野想睇，但明知咁貴都唔會買，咁入去做乜呀。而且，有時入面既sales比我既感覺就係：我地d野好貴架，唔係好啱你~
車！好巴閉咩！都係賣牌子姐，好普通既T-shirt竟然夠膽死賣二、三百蚊！就算我有錢都唔買啦！！係咪？

好彩......最後都比我買到兩件衫，不過就要熱d先著得喇~~ ^.^

返hall嗰陣講開我尋晚又發左幾多白痴夢。
阿Ken話喎.......我平日抑壓得自己太多，所以成日發埋d咁既夢，又搞到自己訓得唔好。佢話我應該試下放縱自己一輪，想買乜就買乜，唔係太過份就得喇，咁樣可能好d喎........
嘩！我話咁樣得了既！唔得、唔得......
心雖然有d想，不過都係唔得！ :P

我要檢舉
台長： 小寶寶

您可能對以下文章有興趣

人氣(20) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

TOP
詳全文