今晚好大膽咁去try左NTIII個online quiz....結果不太好！錯左四條，有兩條根本唔應該錯！死蠢！！ ./.
有d唔開心，打比阿Ken，d人仲未幫佢拉到線上網，佢好忟......
所以當我話佢知我做左quiz，佢只係話我：做乜咁快做、咁點算呀.....
一d鼓勵說話都無（我唔明點解你永遠都唔識講呢d說話，又時仲講左d反話，令我更加唔開心......）
跟住佢又講番上網d野......我真係唔想同你講野呀！
我知你係好忟，咁我呢....
我本來因為個quiz有少少唔開心（只係少少，因為可以再try），諗住打比你同你講，等你鼓勵下、氹下......點知仲衰。
我唔講野、叫你訓覺，你就真係話好，收線訓覺......真係好激氣！
其實你當時唔開心、忟緊，點解唔打比我同我講，同我分享......卻只係訓响床自己諗.......
我每次唔理開心定唔開心，我第一時間就係最想話你知，雖然有時得到既feedback唔係只係自己想要既，但都叫同最重要既人講左，呢個係我既諗法（可能有時你會覺得我煩），但點解你唔會既？
係咪我既問題呢..........我唔係一個好既聆聽者？你唔鍾意同我講？你唔想我為你煩？
雖然有時聽到你講公司野.....講有幾多野做、d人點衰、點大壓力、d客點煩，我相信我好多時都講唔到好似你d同事個d志同道合既說話，但我有聽架，知道你唔開心，我會更唔開心，因為我知你辛苦同唔開心，而我就咩都幫唔到.......
但係我都想你咩都同我講......你唔同我講同邊個講？等於我唔同你講，又可以同邊個講.........
有時我會諗自己係咪令你更辛苦、更大壓力、係咪應該比多d時間你休息，但我既感性同無用令我做唔到......
今日，連哥哥都問我喇......我當然要借....
有d唔開心，我唔識點講個種感覺。
我唔係唔想借，因為我都估到哥哥近黎經濟麻麻，而且我好愛我既哥哥，唔理有幾親、唔理以前既事，因為我知道佢係錫我，只係無時間同機會比佢表現到。
呢幾日，因為唔同既野，或者有時無野發生，但自己心情又變差。
點好.....我唔想自己咁樣、會好辛苦、會討厭自己、會憎自己。
有時好想大喊、大叫，但當然唔容許.......
文章定位：
