生活的我 生活的我

190愛的鼓勵 0訂閱站台

菁菁:

其實我都唔知道自己點解會寫信比你！都係有一日係公司非常之得閒，計而亂咁想，所以寫信比你！我都好耐冇寫咁多隻字嘅信啦！

其實我叫你不用回信，係因為你已經見面時或者係係電話到已經講咗，所以咪唔洗回信囉！＾＿＾我都知你好想回信比我！最重要係你係電腦打字比我！比一個良好機會你練打字，係咪？？
我覺得這封信好難打呀！都唔知點打，打咗又好似掩飾緊一ｄ自己嘅罪狀！好似同自己講: 「冇錯呀！」但事實係自己都有錯！我都知道自己有一點對號入座嘅感覺．．．．

講真呀！近幾年真係發生好多事呀！有一ｄ事情都幾荒唐，都怪自己沒有好好去處理，攪到一鍋粥咁，令到你都好擔心！我都知道你有時聽到都好生氣！想和你說聲：「真的不好意思！！」

不過發生一d令我不知所措又惶恐的事情，有時我都覺得好驚，好徬徨，甚至都唔知道點樣解決！想盡快解決（我知道自己都係得個想字）！之後想好一套藉口講比自己知自己係冇錯或者唔會關自己事去掩飾所有眼前嘅事實．．．我常常咁樣話ｃａｒｍｅｍ，但自己又係咁！都冇嘗試想辦法去處理同解決！只係去掩飾所有眼前嘅事實！沒有理會之後的後果．．．只有怨天尤人的樣子，我都知道自己好過份！！沒有理會背後的事實！只係聽完就會覺得這個係事實！而發脾氣！令到身邊嘅人擔心同唔開心，或者增加一Ｄ不必要嘅誤會，！你話我算唔算係小事化大呢？定想得太多令自己陷入驚慌狀態？？過份擔憂？？

解決對一般人黎講就係一件好容易的事，但對我黎講係一件好困難的事件！你應該知道我的性格，有事就選擇逃避，不理後果！我知道唔係次次都咁好彩，可以避得過！都有時候一定立刻解決同面對！冇得選擇．．．．．所以我成日都覺得ＣＡＲＭＥＮ比我好幸福得多！！有媽媽幫手解決！唔多想面對時，就可以找媽媽解決！可能你會覺得我依賴性好強又或者係唔願意去嘗試，就選擇逃避！有時我都好想找一個可以依靠，可以比我依賴一下幫我做決定的人（不論係男或女）或者係家人，唔需要自己擔心呢樣，個樣。但係每一次都係唔可以，一定要自己面對！有時明知道會有事發生都選擇去拖，最後咪愈來愈嚴重囉！怕後果自己負擔不起！！

有時候唔係唔想解決呀！怕做咗唔知道有咩後果，唔做又怕後悔！我會選擇後者，寧願後悔，我好怕事！到最後咩都冇做過！好彩！！每次都唔會涉及人命，只會心痛，唔開心！
我常常都希望自己想得太多！個人又冇咩寄託，所以胡思亂想．．．．
我都希希望今年年尾前開始我的讀書計劃！有點難度．．．不過我會盡快實現自己的承諾！唔會再比自己陷入驚慌狀態＾＿＾

尋寶階段？我同你都一定要啦！咁後生！咁早找到就唔係人生啦！

打住咁多先啦！下次再打過啦！